Ідэя належыць Скоту Гэлаўэю — прафесару маркетынгу Нью-Ёркскага ўніверсітэта і даўняму крытыку буйных тэхналагічных кампаній. Ён прапануе не зачыняць бізнесы на дзень, як гэта было падчас агульнанацыянальнай забастоўкі ў ЗША ў пятніцу, а біць дакладна — па найбуйнейшых тэхналагічных кампаніях.
Ідэя належыць Скоту Гэлаўэю — прафесару маркетынгу Нью-Ёркскага ўніверсітэта і даўняму крытыку буйных тэхналагічных кампаній. Ён прапануе не зачыняць бізнесы на дзень, як гэта было падчас агульнанацыянальнай забастоўкі ў ЗША ў пятніцу, а біць дакладна — па найбуйнейшых тэхналагічных кампаніях.
Звычайныя забастоўкі часта мацней за ўсё б’юць па малым бізнесе, які губляе выручку і ставіць пад пагрозу супрацоўнікаў. Многія прадпрымальнікі ў сацсетках пісалі, што падтрымліваюць пратэст, але дазволіць сабе зачыніцца не могуць. Гэлаўэй знайшоў спосаб «цішэй, але балючэй».
Ён прапанаваў арганізаваць эканамічны байкот на ўвесь люты і масава адмаўляцца ад падпісачных сэрвісаў тэхгігантаў, напрыклад ChatGPT Plus, Amazon Prime, Microsoft Office, YouTube Premium, Netflix, X Premium і іншых.
«Аднадзённы спад раздражняе. Месячны спад палохае», — аргументаваў ён сваю ідэю. Па яго логіцы, зніжэнне тэмпаў росту ў кампаній з вялізнымі катыроўкамі можа паўплываць на іх рынкавыя ацэнкі — а значыць, і на генеральных дырэктараў, якія маюць прамы доступ да прэзідэнта.
Гэлаўэй асобна падкрэслівае, што многія кіраўнікі тэхкампаній актыўна наладжваюць адносіны з адміністрацыяй. Яны данацілі на інаўгурацыю Дональда Трампа, наведвалі мерапрыемствы ў Белым доме, а падтрымка ШІ-індустрыі — адзін са слупоў эканамічнай павесткі Трампа. Гэлаўэй сцвярджае, што «ўлада баіцца не пратэстаў, а эканамічнага спаду». Таму ў яго версіі пратэсту важна не выходзіць на вуліцы, а адмовіцца траціць грошы.
На сайце кампаніі Resist And Unsubscribe апублікаваны спіс «Ground Zero» — гэта кампаніі з «непрапарцыйным уплывам на эканоміку і прэзідэнта». Сярод іх:
Асобны спіс — «Blast Zone» — кампаніі, якія, на думку арганізатараў, супрацоўнічаюць з Іміграцыйнай і мытнай паліцыяй ЗША (ICE). Там пералічаны тэлеком-аператары, ІТ-вендары, лагістычныя кампаніі, гасцінічныя сеткі і рытэйлеры. Указваюцца канкрэтныя кантракты — напрыклад, сумы дзяржзамоў і тыпы паслуг. Заклік — адмяняць падпіскі, змяняць правайдэраў, пазбягаць пакупак.
Пратэст звязаны з дзеяннямі ICE і Пагранічным патрулём. Як піша Business Insider, у апошнія месяцы па краіне праходзяць рэгулярныя акцыі. У Мінеапалісе пасля гібелі Рэнэ Гуд і Алекса Прэці ад рук федэральных іміграцыйных агентаў напружанне рэзка вырасла.
Пасля рэзанансных відэа і грамадскага ціску Міністэрства ўнутранай бяспекі панізіла аднаго з камандзіраў патруля і паабяцала змены, Трамп паведаміў аб дамоўленасцях з губернатарам Мінесоты аб скарачэнні штату агентаў, а сенатар С’юзан Колінз заявіла, што ICE скароціць актыўнасць і ў Мэне. Але паралельна, па дадзеных New York Times, кіраўніцтва ICE пашырыла паўнамоцтвы агентаў на правядзенне вобыскаў без ордэра.
Гэлаўэй лічыць, што вулічных пратэстаў недастаткова для доўгатэрміновых змен у палітыцы. «Самы радыкальны акт у капіталістычным грамадстве — не маршыраваць, а не траціць», — піша ён.
Релоцировались? Теперь вы можете комментировать без верификации аккаунта.