Николай Чикишев 11 красавіка 2024, 14:46

У Тэхасе АІ праверыць школьныя экзамены замест настаўнікаў

Сістэма, аналагічная той, што прымяняецца ў чат-ботах накшталт ChatGPT, упершыню будзе ацэньваць вынікі экзаменаў State of Texas Assessments of Academic Readiness (STAAR).

Пакінуць каментарый

У Тэхасе АІ праверыць школьныя экзамены замест настаўнікаў

Сістэма, аналагічная той, што прымяняецца ў чат-ботах накшталт ChatGPT, упершыню будзе ацэньваць вынікі экзаменаў State of Texas Assessments of Academic Readiness (STAAR).

«Аўтаматызаваную сістэму падліку балаў» укараняе Тэхаскае агенцтва па адукацыі (TEA) для ацэнкі адказаў на экзамене, дадзеных у вольнай форме. Ведамства плануе такім чынам зэканоміць 15-20 мільёнаў долараў на год за кошт зніжэння патрэбы ў часовых супрацоўніках для праверкі работ. Сёлета для ацэнкі адказаў наймуць усяго дзве тысячы чалавек замест шасці тысяч у папярэднім годзе.

Экзамены STAAR здаюць школьнікі з трэцяга па восьмы клас. Дырэктар TEA Хасэ Рыёса заявіў, што традыцыйна ў экзамене ёсць мноства пытанняў з адказамі ў вольнай форме, «аднак іх праверка займае надмерна багата часу». Новая сістэма падліку адзнак была адпрацаваная на трох тысячах экзаменацыйных работ, двойчы правераных людзьмі. Аднак чвэрць ацэненых АІ работ будзе правераная людзьмі, як і ўсе выпадкі, калі АІ не даў рады задачы.

Не ўсім педагогам падабаецца пераход на аўтаматызаваную сістэму ацэнак. Напрыклад, супэрінтэндантка незалежнай школьнай акругі Льюісвіла Лоры Рап заявіла, што пасля запуску сістэмы ў тэставым рэжыме ў мінулым годзе ў яе акрузе рэзка ўзрасла колькасць нулявых ацэнак. У педагогаў узнікаюць пытанні з нагоды карэктнасці адзнак, якія выдаюцца АІ.