Аддзел навін 5 сакавіка 2024, 11:32

У Telegram з'явіліся функцыі для бізнэсу

Уладальнікам падпіскі Telegram Premium стаў даступны новы раздзел «Telegram для бізнэсу». Знайсці яго можна ў наладах на прыладах з Android і iOS.

Пакінуць каментарый

Уладальнікам падпіскі Telegram Premium стаў даступны новы раздзел «Telegram для бізнэсу». Знайсці яго можна ў наладах на прыладах з Android і iOS.

Напрыклад, карыстальнікі змогуць усталёўваць прывітанні для кліентаў, якія пішуць упершыню або пасля доўгага перапынку. Іх можна адпраўляць ва ўсе або выбраныя асабістыя чаты, а таксама дадаваць выключэнні. Таксама можна выбіраць, праз колькі дзён пасля перапынку ў зносінах кліент будзе атрымліваць прывітальнае паведамленне.

На выпадак адсутнасці на месцы можна задаць аўтаматычны адказ кліентам. Дасылаць яго можна заўсёды або ў пэўныя перыяды — дату і час можна выбраць уручную. Кола атрымальнікаў таксама можна абмежаваць.

Ёсць функцыя «хуткіх адказаў» — гэта нарыхтоўкі адказаў з падтрымкай фарматавання і медыяфайлаў.

Таксама бізнэс-карыстальнікі могуць усталёўваць гадзіны пачатку і заканчэння працы ў кожны з дзён тыдня — або паказаць, што ў некаторыя дні вы працуеце кругласутачна ці закрытыя. Можна ўдакладніць і часавы пояс.

Нарэшце, у профілі можна паказаць, дзе знаходзіцца бізнэс. Адрас можна ўвесці з клавіятуры і выбраць на карце.