У TikTok праходзяць буйныя скарачэнні

На гэтым тыдні супрацоўнікаў апавясцілі, што кампанія плануе звольніць вялікую колькасць людзей з аперацыйнага, кантэнтнага і маркетынгавага падраздзяленняў.

Колькі людзей пойдзе «пад нож», не ўдакладняецца. Тым, каго гэта закране, паведамяць у сераду ўвечары альбо раніцай у чацвер.

Паводле слоў суразмоўцаў выдання, TikTok збіраецца скасаваць глабальную каманду па падтрымцы карыстальнікаў. Тых яе супрацоўнікаў, хто не будзе звольнены, размяркуюць па іншых аддзелах.

На пачатку года TikTok звольніў некалькі дзясяткаў чалавек. Але Тhe Information адзначае, што праграме неўласцівыя масавыя скарачэнні, якія адбываюцца ў іншых ІТ-кампаніях.