Аддзел навін 25 ліпеня 2023, 10:23

У TikTok цяпер можна рабіць тэкставыя публікацыі

Разам з фота- і відэа-кантэнтам у карыстальнікаў TikTok з’явілася магчымасць публікаваць тэкставыя пасты.

Пасля ўводу тэксту да паведамлення можна будзе дадаць фон, гукі, тэгі і стыкеры, а таксама дазволіць каментаванне. Пост можна захаваць у чарнавікі і вярнуцца да рэдагавання пазней. У TikTok кажуць, што тэкставыя пасты можна будзе зрабіць такімі ж дынамічнымі і інтэрактыўнымі, як і традыцыйныя візуальныя. Максімальны памер тэкставага паведамлення, піша The Verge, 1000 знакаў.

Распрацоўшчыкі лічаць, што новы фармат дасць карыстальнікам больш прасторы для самавыяўлення. Так ім будзе прасцей, напрыклад, дзяліцца вершамі, рэцэптамі і не толькі.