Аддзел навін 2 жніўня 2024, 13:12

У Турцыі без тлумачэнняў заблакавалі Instagram

У Турцыі ў пятніцу закрылі доступ да Instagram, піша Reuters.

Рашэнне прынятае мясцовай Радай па інфармацыйных тэхналогіях і сувязі. Абвешчана пра яго было сёння. Прычыны і тэрміны бану не ўдакладняюцца. Мабільная праграма сацсеткі ў краіне таксама больш не працуе.

У Meta, якой належыць Instagram, дзеянняў турэцкіх уладаў пакуль не каментавалі.

У сераду турэцкія ўлады раскрытыкавалі платформу за тое, што яна хавае пасты са спачуваннямі з нагоды забойства лідара ХАМАС Ісмаіла Ханіі. «Гэта цэнзура ў чыстым выглядзе», — напісалі чыноўнікі ў Х, дадаўшы, што ні пра якія парушэнні сваіх правілаў карыстання Instagram пры гэтым не паведамляў.