Николай Чикишев 23 снежня 2022, 16:08

У Twitter з'явіцца лічыльнік праглядаў пастоў

У сацсетцы з’явіўся лічыльнік праглядаў, каб вызначыць актыўнасць карыстальнікаў Twitter.

Пра гэта паведаміў уладальнік сацсеткі Ілан Маск. «Twitter запускае лічыльнік праглядаў, каб вы маглі бачыць, колькі разоў быў прагледжаны твіт», — напісаў ён. Паводле слоў бізнэсоўца, «90% карыстальнікаў Twitter чытаюць, але не пішуць, не адказваюць і не лайкаюць, бо гэта публічныя дзеянні». Прагляды пакажуць, наколькі сацсетка з’яўляецца «жывой».

Раней была запушчаная падпіска Twitter Blue, якая ўключае «сінюю птушку» верыфікацыі. Прэміяльная падпіска каштуе $8 на месяц у дэсктопнай версіі і $11 — для карыстальнікаў iOS. Таксама плануецца выкарыстоўваць розныя колеры птушак для бізнэс-акаўнтаў (залатая) і дзяржаўных і шматпрофільных старонак (шэрыя).