Аддзел навін 1 верасня 2023, 11:30

У Twitter з'явяцца галасавыя і відэазванкі. Нумар не спатрэбіцца

Ілан Маск працягвае ўвасабляць свой план ператварэння Х (экс-Twitter) у суперап. На сваёй старонцы мільярдэр паведаміў, што на платформу дададуць аўдыя- і відэазванкі.

Пакінуць каментарый

Ілан Маск працягвае ўвасабляць свой план ператварэння Х (экс-Twitter) у суперап. На сваёй старонцы мільярдэр паведаміў, што на платформу дададуць аўдыя- і відэазванкі.

Званкі будуць даступныя на мабільных прыладах пад кіраваннем iOS і Android, а таксама на Mac і ПК. Тэлефонны нумар для здзяйснення званкоў не будзе патрэбны.

Калі будзе рэалізаваная новая функцыя, уладальнік Х не ўдакладніў.

Пра тое, што ў сацсетку плануецца ўкараніць шыфраванне асабістых паведамленняў і зашыфраваныя аўдыя- і відэазванкі паміж акаўнтамі, The Verge пісаў яшчэ ў мінулым лістападзе. Маск казаў пра новыя функцыі, апісваючы сваё бачанне «Twitter 2.0» на сустрэчы з супрацоўнікамі кампаніі.