Николай Чикишев 20 студзеня 2023, 15:15

У WhatsApp нарэшце з'явілася магчымасць адпраўляць паведамленні самому сабе

Раней опцыя «паведамленне сабе» давалася розным групам карыстальнікаў, цяпер яна афіцыйна стала даступная ўсім.

Функцыя дазваляе захоўваць нататкі, закладкі ды іншы кантэнт з магчымасцю прагляду на ўсіх звязаных прыладах. Магчымасць дадання кантэнту ў «Выбранае» ўжо ёсць у Telegram ды іншых папулярных праграмах, але WhatsApp доўга не дадаваў опцыі, нягледзячы на тое, што месенджар з’яўляецца самым карыстаным у свеце.

Паводле даных The Verge, у апошнім апісанні WhatsApp для iOS таксама адзначаная магчымасць перацягваць выявы, відэа і дакументы ў месенджар з праграм накшталт Safari, Photos і Files. У карыстальнікаў з’явілася магчымасць на працягу некалькіх секунд скасаваць выбар «Выдаліць для мяне», калі ён перадумаў выдаляць тое ці іншае паведамленне ў месенджары.