Вабныя студэнткі атрымліваюць завочна ніжэйшыя адзнакі, чым у аўдыторыі
Аспіранты Лундскага ўніверсітэта ў Швецыі высветлілі, што вабныя студэнткі атрымліваюць вышэйшы бал пры вочнай ацэнцы іх «ведаў», чым пры дыстанцыйнай. Вынікі працы апублікаваныя ў часопісе Economics Letters.
Даследчыкі зацікавіліся, ці ўплывае выгляд студэнтаў на іх паспяховасць пры навучанні афлайн і анлайн. Як выявілася, уплывае.
Аўтары адзначаюць, што прыгажосць дае перавагу як хлопцам, так і дзяўчатам пры вочным навучанні. Але чым далей ад выкладчыка, тым меншае ўздзеянне на яго выгляду студэнта.
Для даследавання былі ўзятыя пяць груп шведскіх студэнтаў. Іх сфармавалі паводле вабнасці, якую ацэньвала незалежная група з 74 чалавек.
Найбольш вабная група атрымлівала вышэйшыя адзнакі ў дысцыплінах, па якіх навучанне праходзіла ў класе, напрыклад, па эканоміцы і бізнэсу. Па матэматыцы і фізіцы, дзе ацэнка ведаў пераважна ажыццяўляецца з дапамогай тэстаў, а не праектаў, вусных выступаў і дакладаў, такой сувязі з выглядам заўважана не было.
Але як толькі навучанне пераходзіла ў анлайн, адзнакі прыгожых студэнтак па першым тыпе прадметаў падалі. Цікава, што сярод студэнтаў мужчынскага полу, якія «звычайна больш старанныя і маюць большы ўплыў на аднагодкаў», адзнакі заставаліся на ўзроўні.
Даследчыкі лічаць, што прыгажосць дае перавагу хлопцам за кошт, напрыклад, вышэйшай упэўненасці ў сабе, у той час як у выпадку дзяўчат рэч у дыскрымінацыі.
Читать на dev.by