Візажыст для Lesta, разметчык для Mapbox. Каго шукаюць вядомыя прадуктавікі

Геймдэву патрэбны дызайнеры, распрацоўшчыкі, мастакі

Кампанія «ГеймТэк» (экс-Vizor Games) за апошні месяц размясціла на rabota.by каля 15 вакансій. Палова прапаноў аб працы для дасведчаных супрацоўнікаў (3–6 гадоў вопыту).

Патрэбны распрацоўшчыкі, Engineer (Mobile QA, Software), мастакі, аналітыкі (для казуальных праектаў). Таксама ёсць прапанова для распрацоўшчыка гульнявой рэкламы.

Ёсць прапановы як для спецыялістаў з вялікім досведам працы, так і без досведу. У прыватнасці, «ГеймТэк» шукае на пазіцыю Tech Lead спецыяліста з досведам прамысловай распрацоўкі ад 8 гадоў і досведам кіравання тэхнічнымі камандамі ад 3 гадоў.

Таксама патрэбны Junior Server Developer без досведу ў сацыяльны казуальны праект Knights & Brides. Гэта гульня, дзе карыстальнікі могуць будаваць сваё сярэднявечнае каралеўства. Яшчэ ў сакавіку 2022 года паблішар запусціў web-версію гульні. Сярод патрабаванняў да саіскальніка — уменне распрацоўкі на Java і веданне Git.

На сайце магілёўскай геймдэв-студыі Awem Games каля 20 прапаноў аб працы.

Кампаніі патрэбны мастакі і дызайнеры. Шмат вакансій для нетэхнічных спецыялістаў. У прыватнасці, кампанія шукае Marketing Analyst (для фармавання маркетынгавых стратэгій) і User Acquisition Manager з досведам кіравання бюджэтамі ад 100 тыс. долараў.

Ёсць вакансія з наступным навучаннем для User Support. Таксама кампаніі патрэбны ASO Manager для развіцця старонак стораў новага праекта Cradle of Maya і падтрымкі працы над флагманскім прадуктам Cradle of Empires (Match-3).

Міжнароднаму распрацоўшчыку мабільных гульняў у жанры Lifestyle SWAG MASHA патрэбны 2D-мастакі, прычым усіх узроўняў (джун, мідл, сеньёр). Сярод патрабаванняў — досвед працы з Adobe Photoshop, а таксама з асноўнымі графічнымі нейрасеткамі (Midjourney, Stable Diffusion). Усе кандыдаты, якія прэтэндуюць на пазіцыю 2D-мастака, павінны будуць выканаць тэставае заданне.

Таксама распрацоўшчык шукае спецыялістаў на пазіцыі AI Designer і Motion Designer.

Папулярны распрацоўшчык (1,5 мільярда карыстальнікаў) гіперказуальных гульняў Freeplay за апошні месяц размясціў толькі дзве новыя вакансіі — абедзве для нетэхнічных спецыялістаў. Кампанія шукае ў штат сістэмнага адміністратара, а таксама Senior Legal Counsel, які будзе займацца, у прыватнасці, юрыдычным суправаджэннем дзейнасці кампаніі.

Таксама трохі актуальных вакансій на rabota.by у распрацоўшчыка папулярных у свеце дадаткаў (iScanner і Smart Cleaner) BP Mobile.

За апошні месяц кампанія размясціла ўсяго 4 вакансіі. У каманду, у прыватнасці, патрэбны дасведчаны Senior iOS/macOS Developer (7+ гадоў вопыту распрацоўкі iOS-аплікацый). Шукаюць Junior Frontend Developer, які будзе займацца распрацоўкай поўнаэкранных банераў, лэндынгаў, SPA front-end аплікацый, сайтаў кампаніі.

Mapbox і RocketData шукаюць нетэхнічных спецыялістаў

У распрацоўшчыка платформы для кіравання інфармацыяй RocketData адкрыта 8 вакансій — 50% з іх для менеджараў. У прыватнасці, кампаніі патрэбны менеджары па прыцягненні кліентаў, продажам і развіцці бізнесу, а таксама акаўнт-менеджары.

У апісанні вакансій пазначаны заробкі. Напрыклад, акаўнт-менеджару з веданнем іспанскай і англійскай моваў кампанія гатовая плаціць да 2,1 тысячы рублёў чыстымі. У Key Account Manager з веданнем польскай мовы заробак брута — да 3,3 тысячы рублёў.

Менеджару па прыцягненні кліентаў будуць плаціць да 3,1 тысячы рублёў чыстымі. Аналагічны максімальны заробак у менеджара па продажам.

Пастаўшчык карыстальніцкіх карт для вэб-сайтаў і аплікацый Mapbox шукае як тэхнічных, так і нетэхнічных спецыялістаў.

Напрыклад, ёсць прапанова для Senior Full-Stack Engineer, Data Tooling з досведам больш за 6 гадоў для развіцця і пашырэння картаграфічных інструментаў. Таксама кампанія шукае Lead Quality Assurance Engineer (Roads Team).

У апісанні некаторых вакансій указаны памеры заробку. Напрыклад, спецыялісту па праверцы картаграфічных дадзеных і якасці дадзеных кампанія гатовая плаціць 450 долараў чыстымі.

Такі ж заробак кампанія прапануе HD Map Editor і рэдактару HD-карт.

Візажысты — для Lesta

Паводле меркавання эканаміста, акадэмічнага дырэктара цэнтра BEROC Льва Львоўскага, адна з прычын рэзкага росту найму сёлета — прыток у краіну расійскіх спецыялістаў.

Тым часам у вядомых кампаній з расійскімі каранямі на дадзены момант розная патрэба ў новых супрацоўніках.

Працягвае актыўна шукаць людзей у каманду Lesta. За апошні месяц колькасць новых прапаноў аб працы вырасла да 50.

Кампаніі патрэбны распрацоўшчыкі, мастакі, дызайнеры, тэставальнікі, аніматары, праграмісты. Ёсць прапановы і для нетэхнічных спецыялістаў. Напрыклад, у каманду Broadcast, якая займаецца стрымамі, відэаздымкай знешніх, унутраных і рэкламных відэа, патрэбны візажыст. Ён будзе займацца прычоскамі, макіяжам, грыміраваннем.

Таксама кампанія шукае Esports Manager, які будзе займацца арганізацыяй турніраў па Tanks Blitz (як анлайн, так і афлайн).

А вось Т-Банк рэзка скараціў колькасць прапаноў аб працы ў параўнанні з пачаткам года. Цяпер адкрыта менш за 10 вакансій.

У прыватнасці, кампаніі патрэбны кіраўнікі групы распрацоўкі (Team Lead) у рэгіёнах. У апісанні вакансій пазначаныя Гомель, Гродна і Мінск. Спецыялісты патрэбныя для працы над такімі праектамі, як мабільны банк (для фізічных асоб, бізнесу і інвестыцый) і нефінансавыя сэрвісы ў межах банка з выкарыстаннем кросплатформенных рашэнняў.

Ёсць прапанова для Python-распрацоўшчыка з досведам ад 3 гадоў і Golang-распрацоўшчыка для розных праектаў.

Яшчэ менш прапаноў аб працы ў РБ у «ВК Решения» (юр. асоба VK у РБ). За апошні месяц на rabota.by з’явілася толькі адна вакансія — для Application Security Engineer, які будзе аналізаваць узровень абароненасці вэб- і мабільных аплікацый.