ПВТ прыняў 40 новых рэзідэнтаў
ПВТ зарэгістраваў новую групу рэзідэнтаў. Кампаніі зоймуцца распрацоўкай праграмна-апаратных комплексаў, ШІ-тэхналогій, лічбавых двайнікоў, а таксама аўтаматызацыяй прамысловасці, сельскай гаспадаркі і турызму.
ПВТ зарэгістраваў новую групу рэзідэнтаў. Кампаніі зоймуцца распрацоўкай праграмна-апаратных комплексаў, ШІ-тэхналогій, лічбавых двайнікоў, а таксама аўтаматызацыяй прамысловасці, сельскай гаспадаркі і турызму.
«З прыходам штучнага інтэлекту бізнес-мадэлі ў ІТ сур’ёзна трансфармуюцца. Калі яшчэ паўгода таму кампаніі асцярожна ацэньвалі ўплыў ШІ, то цяпер прызнаюць: трэнды развіваюцца з палохаючай хуткасцю, а старыя канвеерныя аўтсорсінгавыя мадэлі сыходзяць у мінулае», — адзначыла кіраўнік Назіральнай рады ПВТ Ганна Рабава.
Напрыклад, адна з новых кампаній плануе рабіць аўтаматычную сістэму бескантактавага маніторынгу здароўя і паводзінаў жывёл. Шэраг кампаній будуць працаваць над платформамі для аўтаматызацыі працы загарадных турыстычных аб’ектаў накшталт гасцявых дамоў і базаў адпачынку, дзейнасці турагенцтваў, гасцінічных аб’ектаў і сетак.
Таксама новыя рэзідэнты будуць працаваць над ШІ-рашэннямі для аўтаматызацыі прамысловых працэсаў на прадпрыемствах, лічбавай платформай для ўзаемадзеяння з замежнікамі, рашэннямі для адукацыі, аховы здароўя і бяспекі — напрыклад, трэнажорамі выкліку экстраных службаў і сімулятарамі размовы з махлярамі.
Некаторыя рэзідэнты зоймуцца маркетынгавымі і мабільнымі рашэннямі на базе ШІ — платформай для стварэння кароткіх відэа з малюнкаў, мабільнымі фота- і відэа-рэдактарамі з ШІ, праграмамі для працы з дакументамі, для запісу і апрацоўкі голасу з дапамогай ШІ.
Цяпер у базе на сайце ПВТ лічыцца 1060 кампаній, але новыя рэзідэнты ў яе, мяркуючы па ўсім, яшчэ не ўнесены. Гэта значыць усяго ў парку цяпер 1100 кампаній.
Акрамя гэтага, сёлета ПВТ плануе стварыць «офіс лічбавізацыі», каб каардынаваць лічбавую трансфармацыю, зацвердзіць палажэнне аб працы крыптабанкаў з токенамі, а таксама абмеркаваць парадак фінансавання стартап-цэнтраў у партнёрскіх ВНУ.
ПВТ запусціў дзве грантавыя праграмы. Грошы аддаваць не трэба будзе
ПВТ запусціў дзве грантавыя праграмы. Грошы аддаваць не трэба будзе
ПВТ кажа, што ўклад кампаній-рэзідэнтаў у эканоміку «падышоў да 30%»
ПВТ кажа, што ўклад кампаній-рэзідэнтаў у эканоміку «падышоў да 30%»
«Кампаніі адчуваюць упэўненасць і бачаць перспектывы». ПВТ нарасціў экспарт — упершыню за чатыры гады
«Кампаніі адчуваюць упэўненасць і бачаць перспектывы». ПВТ нарасціў экспарт — упершыню за чатыры гады
Релоцировались? Теперь вы можете комментировать без верификации аккаунта.
Анна Рябова, когда уже сделают отечественный генератор эпических битв? Загнивающий запад 1000 тиранозаврами напал на 10000 куриц и победил, чем ответит наше сельское хозяйство и птицефабрики ?