Міністэрства па падатках і зборах папярэдзіла беларусаў аб прыпыненні дзеяння канвенцыі аб пазбяганні падвойнага падаткаабкладання з Вялікабрытаніяй. На карпаратыўны падатак новаўвядзенне распаўсюджваецца з 1 красавіка, а для падаткаў на даходы і прырост кошту капіталу яно ўступае ў сілу з 6 красавіка.
Міністэрства па падатках і зборах папярэдзіла беларусаў аб прыпыненні дзеяння канвенцыі аб пазбяганні падвойнага падаткаабкладання з Вялікабрытаніяй. На карпаратыўны падатак новаўвядзенне распаўсюджваецца з 1 красавіка, а для падаткаў на даходы і прырост кошту капіталу яно ўступае ў сілу з 6 красавіка.
«Згодна з нотай брытанскага боку Злучанае Каралеўства прыпыняе дзеянне Канвенцыі ў поўным аб’ёме з 1 красавіка 2025 года ў дачыненні да карпаратыўнага падатку ў Злучаным Каралеўстве і з 6 красавіка 2025 года ў дачыненні да падаткаў на даходы і прырост кошту капіталу ў Злучаным Каралеўстве», — гаворыцца ў паведамленні ведамства.
У сакавіку 2024 года Савет Міністраў прыняў пастанову «Аб пытаннях падаткаабкладання», якой прыпыніў да 2027 года выкананне палажэнняў міжнародных пагадненняў аб пазбяганні падвойнага падаткаабкладання з 27 «недружалюбнымі краінамі», уключаючы Вялікабрытанію. Пад абмежаванне патрапілі тры палажэнні пагаднення: аб дывідэндах, аб працэнтах і аб даходах ад адчужэння маёмасці.
У адказ 6 лютага Упраўленне па падатковых і мытных зборах Вялікабрытаніі паведаміла Беларусі пра намер прыпыніць дзеянне згаданай канвенцыі. Адзначалася, што пасля дзеянняў Беларусі ў 2024 годзе Вялікабрытанія працягвала выконваць свае дагаворныя абавязальніцтвы. Ад Беларусі запатрабавалі вярнуцца да выканання сваіх міжнародных прававых абавязкаў. Паколькі гэтага зроблена не было, Вялікабрытанія прыпыніла дзеянне канвенцыі.
Релоцировались? Теперь вы можете комментировать без верификации аккаунта.
Как эта новость отразится на потоке британцев релоцирующихся в Белоруссию ?
ну этого добился Лукашенко своим указом, Молодец!