Vision Pro дазваляе стварыць свайго «прывіда» для гутарак па FaceTime

З дапамогай Spatial Persona ствараецца адчуванне прысутнасці ў адной фізічнай прасторы з іншымі людзьмі падчас званка. Для стварэння такога аватара трэба адсканаваць сябе датчыкамі акуляраў, пасля чаго з’яўляецца ваш лічбавы трохмерны двайнік, які працуе ў праграмах для камунікацыі. Звычайная версія Persona з рамкай не знікла. Яна засталася спосабам адлюстравання аватараў па змаўчанні ў выкліках па FaceTime.

Інтэрфейс дазваляе разам узаемадзейнічаць з іншай праграмай. Карыстальнік можа кіраваць сваім віртуальным адлюстраваннем, перамяшчаць яго ў зручнае месца. Тэхналогія прасторавага гуку рэалістычна перадасць размяшчэнне суразмоўцы ў прасторавым асяроддзі. Функцыя ўключаная ў абнаўленне VisionOS 1.1, яе неабходна выбраць падчас званка праз FaceTime. У адной сесіі могуць удзельнічаць да пяці чалавек.