Спецыялісты Цэнтра хірургічнай і спінальнай інфекцыі Віцебскай абласной клінічнай бальніцы ўпершыню правялі аперацыю на хрыбце з выкарыстаннем 3D-тэхналогіі. Пацыент, якога ў бальніцу прывезлі паралізаваным, ужо на сваіх нагах, паведамляе АНТ.
Спецыялісты Цэнтра хірургічнай і спінальнай інфекцыі Віцебскай абласной клінічнай бальніцы ўпершыню правялі аперацыю на хрыбце з выкарыстаннем 3D-тэхналогіі. Пацыент, якога ў бальніцу прывезлі паралізаваным, ужо на сваіх нагах, паведамляе АНТ.
Пацыентам стаў ліквідатар аварыі на Чарнобыльскай АЭС Сяргей Капачоў, які аказаўся прыкаваным да ложка літаральна за некалькі дзён. У яго пачаўся цяжкі гнойны працэс у шыйным аддзеле хрыбта, і яшчэ нядаўна прагнозам для такіх пацыентаў была глыбокая інваліднасць або летальны зыход.
Віцебскія дактары сумесна з калегамі з Мінска за тры тыдні спланавалі індывідуальную сістэму стабілізацыі, якая была вырабленая для пацыента на 3D-прынтары. Імплант дазволіў цалкам зняць нагрузку з пашкоджанага шыйнага аддзела і перразмеркаваць вагу галавы на здаровыя грудныя пазванкі. Аперацыя доўжылася каля трох гадзін. Пацыент хутка пайшоў на папраўку — вярнулася адчувальнасць, паступова запрацавалі рукі і ногі. Праз паўгода ўрачы чакаюць поўнае зрашчэнне запаленага сегмента хрыбта, пасля чаго металаканструкцыю выдаляць.
У цэнтры каля 10 пацыентаў, большасць чакаюць аперацыі па ўстаноўцы імплантаў. У залежнасці ад цяжкасці выпадку іх вырабленне займае ад тыдня, да кожнага — індывідуальны падыход.
«Выкананая намі нядаўна аперацыя — гэта аперацыя шостага тэхналагічнага ўзроўню. Гэта пэўны прарыў у хірургіі. Мы ўкараняем адытыўныя тэхналогіі, да якіх адносіцца 3D-мадэляванне, 3D-навігацыя. Гэта сапраўдная персаніфікаваная медыцына, якая дазваляе індывідуальна падабраць імплант для кожнага пацыента, што дазваляе нам у будучыні хутчэй выпісваць, пацыенту нашаму хутчэй выздараўляць. І такімі тэхналогіямі валодаюць толькі некаторыя краіны ў свеце, у тым ліку Рэспубліка Беларусь», — адзначыў галоўны ўрач ВАКБ Яўген Матусевіч.
Віцебскія хірургі дзеляцца досведамі з калегамі з усёй краіны. Яны ўжо правялі больш за тысячу тэлемедыцынскіх кансультацый.
Рэлацыраваліся? Цяпер вы можаце каментаваць без верыфікацыі акаўнта.