Польшча зноў выдае беларусам турыстычныя візы? Разбіраліся
Беларускія медыя паведамілі, што Польшча аднавіла прыём дакументаў на турыстычныя візы ў візавых цэнтрах у Беларусі. Аднак афіцыйнай інфармацыі на гэты конт пакуль няма.
Як піша Dzik Pic, на сайце візавага цэнтра сапраўды з’явіліся слоты для запісу на турыстычную візу, але свабодных дат на падачу па-ранейшаму няма. Як і афіцыйнага каментара на сайце МЗС або пасольства Польшчы.
У Ministerstwo Spraw Zagranicznych Dzik Pic адказалі, што нічога пра выдачу віз не чулі. Але іншы работнік пры гэтым растлумачыў, што ніхто і не спыняў выдаваць візы турыстычныя афіцыйна — проста іх колькасць была вельмі маленькай. А павелічэнне пулу віз — гэта проста тэхнічны момант.
У консульстве Польшчы ў Мінску заявілі, што пакуль няма афіцыйнай інфармацыі пра тое, што з сённяшняга дня аднавіўся прыём дакументаў на турыстычную візу.
У некаторых пасярэднікаў у падачы на візы ўжо з’явілася інфармацыя пра выдачу турыстычных віз, іншыя ж адказваюць, што нічога не чулі пра аднаўленне выдачы.
Што гэта можа азначаць? Відавочных варыянтаў два:
- Выдачу віз тыпу С сапраўды аднавілі. Напрыклад, спачатку дадзены тып віз мог з’явіцца ў спісе на падачу на сайце visa.vfsglobal.com, а слоты з датамі і афіцыйны каментар аб іх выдачы будуць пазней.
- Гэта тэхнічны збой, які адкрыў доступ да віз, выдачы якіх ніхто і не аднаўляў. Яго могуць выправіць і пакінуць у спісе толькі даступныя візы.
Читать на dev.by