VK стаў рэзідэнтам ПВТ. Хто яшчэ

Гэта першы набор ПВТ у гэтым годзе. Новымі рэзідэнтамі Парка сталі кампаніі ў сферы медыцыны, фінтэху, гульнявой індустрыі, майнінгу, турызму. Сярод пачаткоўцаў — 6 кампаній з замежным капіталам, заснаваныя прадстаўнікамі Кітая і Расіі.

У прыватнасці, у ПВТ увайшоў расійскі холдынг VK («ВК Рашэнні»). Пішуць, што кампанія будзе развіваць блог-платформу «Дзэн», сацыяльную сетку «Укантакце» і бізнэс-платформу «VK Tech».

Паводле даных адзінага дзяржрэгістра, юрыдычная асоба «ВК Рашэнні» была зарэгістраваная ў жніўні мінулага года. Пры гэтым VK паведаміў аб афіцыйным адкрыцці прадстаўніцтва ў Беларусі толькі ў снежні мінулага года. 

Як расказалі dev.by у VK, офіс кампаніі плошчай 400 кв. метраў адкрыўся ў мінскім бізнэс-цэнтры на вуліцы Смалячкова. У офісе VK плануецца размясціць 50 распрацоўшчыкаў з каманд «Укантакце», «Дзэна» і VK Tech. 15 працоўных месцаў адведзена пад каворкінг, дзе змогуць працаваць супрацоўнікі VK або госці, якія прыязджаюць з іншых гарадоў.

План наймання на найбліжэйшыя паўгода — да 50 распрацоўшчыкаў дадаткова. Наймаць у мінскі офіс VK плануе ў асноўным распрацоўшчыкаў і тэсціроўшчыкаў.

Іншыя пачаткоўцы ПВТ

• «Інжынерны цэнтр Ядро»: цэнтр распрацоўкі расійскай тэхналагічнай кампаніі YADRO (уваходзіць у «ІКС Холдынг»).
• «ТІЛКОМ»: плануе распрацоўваць і вырабляць датчыкі, тэлеметрычныя вымяральныя сістэмы, софт для машынабудавання і электратэхнічнай прамысловасці.
• «ВНП Бел»: распрацоўшчык лічбавых двайнікоў будынкаў, збудаванняў, прадпрыемстваў.
• «Блэк Салюшэнс»: будзе распрацоўваць і ўкараняць сістэмы для аўтаматызацыі вытворчых працэсаў прамысловых прадпрыемстваў.
• «АІ Софтварэ»: будзе распрацоўваць і вырабляць уласныя хірургічныя комплексы.
• «Грынстэр»: зоймецца распрацоўкай інфармацыйнай сістэмы для аналізу біяпсіі пацыентаў.
• «ЮніАпс»: распрацоўшчык праграмы для людзей з праблемамі слыху і праграмы для кантролю пульсу з дапамогай успышкі і камеры тэлефона.
• «Крысці Трэвел»: распрацоўшчык праграм, у прыватнасці для адсочвання рухаў дзяцей, а таксама сістэм разумнага відэаназірання за домам, офісам і грамадскімі памяшканнямі.

Усяго на гэты момант рэзідэнтамі ПВТ з’яўляецца больш за 1000 кампаній.

Чытачы, што для вас dev.by? 

• Месца сустрэчы з супольнасцю? 
• Крыніца навін пра ІТ Беларусі?
• Крыніца любых навін?
• Месца для дыскусіі?
• Пляцоўка для адукацыі і абмену досведам?
• Кар’ерны кансультант?
• Можа, усё пералічанае вышэй? А, можа, нешта іншае?

А хто вы для dev.by?

Супольнасць людзей, якая развівае беларускую ІТ-індустрыю і робіць яе поўнай таленавітых праектаў, цікавых дыскусій і навін. Мы тут, каб трымаць вас у курсе гэтых прыгод. dev.by для нас — гэта ўсё пералічанае вышэй, а яшчэ — праца. Падтрымайце нашую рэдакцыю!

Вашыя грошы даюць нам магчымасць выплачваць заробкі журналістам, менеджарам, распрацоўшчыкам, прадзюсарам — усім тым, хто робіць dev.by. Засапорціць нас можна: 

— Праз Patreon

— Праз Donorbox (калі вы ў Беларусі)

— Крыптой, тут гаманцы. 

Дзякуй!