У Афганістане ў аўторак адбыўся маштабны збой сувязі, які закрануў інтэрнэт і тэлефонныя сеткі, паведамляе CNN. Напярэдадні талібы заявілі аб планах абмежаваць доступ да інтэрнэту для барацьбы з «амаральнай актыўнасцю».
У Афганістане ў аўторак адбыўся маштабны збой сувязі, які закрануў інтэрнэт і тэлефонныя сеткі, паведамляе CNN. Напярэдадні талібы заявілі аб планах абмежаваць доступ да інтэрнэту для барацьбы з «амаральнай актыўнасцю».
Паводле дадзеных Netblocks, адключэнне закранула адразу некалькіх аператараў сувязі. Для 43 млн чалавек, якія пражываюць у краіне, наступіў «татальны інтэрнэт-блэкаўт».
Афганцы за мяжой паведамлялі, што не могуць звязацца з роднымі ўнутры краіны. Паводле дадзеных сэрвісаў адсочвання авіяпералётаў, некалькі рэйсаў у Кабул раніцай у аўторак былі адмененыя. Мясцовыя СМІ сутыкнуліся з цяжкасцямі ў працы, а міжнародныя агенцтвы AP і AFP страцілі сувязь са сваімі бюро ў Кабуле.
Гэта самае маштабнае адключэнне сувязі ў Афганістане з моманту вяртання талібаў да ўлады ў 2021 годзе. Тады ўжо дзейнічалі строгія забароны на тэлебачанне і спадарожнікавую сувязь.
Прычыны блэкаўта пакуль невядомыя, запыты журналістаў да прадстаўнікоў талібаў застаюцца без адказу. Раней у гэтым месяцы ўлады папярэджвалі аб магчымым поўным адключэнні інтэрнэту, заявіўшы, што будзе створана «альтэрнатыўная сістэма» для базавых патрэб. У заяве губернатара правінцыі Балх гаварылася, што рашэнне прынята вярхоўным лідарам руху Хайбатулай Ахундзадай.
Эксперты і праваабарончыя арганізацыі папярэджваюць, што адключэнне сувязі можа мець цяжкія наступствы для краіны. З моманту прыходу да ўлады талібы абмежавалі правы жанчын і дзяўчат: ім забаронена вучыцца далей шостага класа, і многія працягвалі адукацыю дзякуючы анлайн-заняткам. Арганізацыі, якія працуюць у Афганістане, страцілі кантакт са сваімі супрацоўнікамі. Актывісты адзначаюць, што гэта рашэнне ўзмацняе ізаляцыю краіны і можа яшчэ больш ускладніць гуманітарную сітуацыю. Калі інтэрнэт будзе адноўлены, невядома.
Релоцировались? Теперь вы можете комментировать без верификации аккаунта.
Меньше будешь в интернете, здоровее будут дети