Выручка Nvidia б'е рэкорды другі год запар, але інвестараў гэта не ўражвае

У бягучым квартале Nvidia плануе выручыць $32,5 мільярда пры прагнозах аналітыкаў у $31,7 мільярда. Такім чынам, выручка вырасце на 80% у гадавым параўнанні. Пры гэтым тры папярэднія кварталы да апошняга выручка расла больш чым на 200%. Якраз зніжэнне тэмпаў росту выручкі стала прычынай падзення курса акцый Nvidia.

Чысты прыбытак падвоіўся да $16,6 мільярда, аперацыйны прыбытак павялічыўся на 174% да $18,6 мільярда. Пры гэтым на 48% выраслі аперацыйныя выдаткі кампаніі. Nvidia заявіла, што выплаціць у кастрычніку дывідэнды з разліку $0,01 на адную акцыю, а таксама запусціць праграму зваротнага выкупу акцый на агульную суму $50 мільярдаў.

Аналітыкі адзначаюць занепакоенасць інвестараў праз павольную аддачу інвестыцый у генератыўных АІ. Гэтыя асцярогі могуць прымусіць кампаніі пераасэнсаваць сваю стратэгію выдаткаў. Капітальныя выдаткі ў 2024 годзе тэхналагічных гігантаў маюць скласці больш за $200 мільярдаў, большая частка з якіх траціцца на стварэнне інфраструктуры АІ.