Былы кіраўнік Binance, які выйшаў з турмы, зноў хоча ўкладваць у крыпту

«Я ведаю, у некаторых з вас можа быць шмат пытанняў. У мяне не будзе ўсіх адказаў. Давайце я трохі астыну. Затым разбяруся з далейшымі крокамі. Заўсёды ёсць больш магчымасцяў у…», — заявіў Чанпэн у сваіх сацсетках.

Паводле слоў бізнэсоўца, цяпер ён заняты развіццём некамерцыйнай адукацыйнай платформы Giggle Academy. Таксама ён мае намер прысвяціць больш часу дабрачыннасці. Багацце Чанпэна ацэньваюць у $30 мільярдаў.

Раней Binance была аштрафаваная на $4,3 мільярда ў рамках пагаднення з Мінюстам ЗША. Бізнэсмен выплаціў $50 мільёнаў і быў прысуджаны да чатырох месяцаў пазбаўлення волі ў папраўчай установе ў Каліфорніі. Таксама Чжаа пакінуў пасаду гендырэктара Binance і перадаў яе Рычарду Тэну.