Выйшаў цізер другога сезона «Гульні ў кальмара»

У роліку Сон Гі Хун трымае на мушцы постаць у масцы, што набліжаецца. Затым ён зноў аказваецца ўдзельнікам гульні на выжыванне. Дзеянне другога сезона адбываецца праз тры гады пасля таго, як галоўны герой перамог у гульні і адмовіўся ад паездкі ў ЗША.

«Гульня ў кальмара» стала самым папулярным серыялам Netflix і сабрала рэкордныя 1,65 мільярда праглядаў за першыя 28 дзён пасля прэм’еры ў 2021 годзе. Рэжысёр серыяла Дон Хек атрымаў «Эмі», а акцёр Чжон Чжэ атрымаў узнагароду за галоўную ролю.