WhatsApp выпусціў праграму для macOS з функцыяй групавых званкоў

Раней палепшаная праграма для ПК з’явілася для WIndows. У групавых аўдыязванках могуць удзельнічаць да 32 чалавек, у відэазванках — да 8 чалавек.

Карыстальнікі атрымліваюць апавяшчэнні пра ўваходныя званкі нават пры закрытай праграме. Таксама можна праглядаць гісторыю званкоў і абменьвацца файламі, перацягваючы іх у чат.

Раней месенджар дазволіў карыстальнікам адпраўляць фота- і відэафайлы ў HD-якасці. Праграма тэсціруе магчымасць адпраўляць файлы ў арыгінальнай якасці, а таксама генераваць сцікеры з выкарыстаннем штучнага інтэлекту.