Анлайн-энцыклапедыя ўкараніла персанальную гадавую справаздачу для карыстальнікаў — аналаг папулярнага Spotify Wrapped. Новы інструмент паказвае, колькі хвілін вы правялі на сайце, якія артыкулы чыталі найчасцей і якія тэмы выклікалі найбольшую цікавасць на працягу года.
Анлайн-энцыклапедыя ўкараніла персанальную гадавую справаздачу для карыстальнікаў — аналаг папулярнага Spotify Wrapped. Новы інструмент паказвае, колькі хвілін вы правялі на сайце, якія артыкулы чыталі найчасцей і якія тэмы выклікалі найбольшую цікавасць на працягу года.
Персанальная статыстыка даступная толькі ў мабільнай аплікацыі Wikipedia, і ўлічвае толькі тыя старонкі, якія вы адкрывалі на тэлефоне, будучы аўтарызаваным. Таму для многіх карыстальнікаў вынік можа выглядаць няпоўным.
У параўнанні з музычнымі сэрвісамі справаздача выглядае прасцей — без забаўляльных метрык кшталту «вашага ўзроставага індэкса» ці персаналізаваных жартаў, але базавую аналітыку актыўнасці прадастаўляе. Каб убачыць свой Year in Review, трэба адкрыць аплікацыю Wikipedia і націснуць на іконку профіля.
Акрамя персанальнай справаздачы Wikipedia апублікавала і глабальную статыстыку за 2025 год. Самым чытаным артыкулам стаў некралог палітычнага актывіста Чарлі Кірка — каля 45 мільёнаў праглядаў.
На другім месцы «Смерці ў 2025 годзе», на трэцім — матэрыял пра серыйнага забойцу Эда Гіна, чыя біяграфія натхніла стваральнікаў серыяла Netflix Monster: The Ed Gein Story. У топ-10 таксама ўвайшлі старонкі Дональда Трампа, Ілана Маска і Папы Льва XIV, а сярод фільмаў — Sinners і Superman.
Wikipedia таксама раскрыла статыстыку па ўсёй платформе:
Релоцировались? Теперь вы можете комментировать без верификации аккаунта.