Wildberries выходзіць на рынак таксі Беларусі
У Беларусі з’явіцца новы сэрвіс таксі, якім будзе кіраваць маркетплэйс Wildberries. Пра гэта піша Office Life са спасылкай на крыніцы на рынку перавозак. Сэрвіс павінен запрацаваць у бліжэйшыя месяцы.
Праектам будзе займацца ТАА «Аператар ВБ Таксі». Гэта кампанія была зарэгістравана ў рэестры перавозчыкаў пасажыраў у якасці дыспетчара 16 мая. Яе асноўным відам дзейнасці пазначаная дзейнасць у сферы камп’ютарнага праграмавання.
Сама кампанія была зарэгістраваная ў Мінску ў гэтым сакавіку. 80% у ёй належыць расійскаму ТАА «Вайлдберриз», 20% — беларускай кампаніі «ТД квадрат», якая займаецца здачай у арэнду ўласнай нерухомасці. Юрыдычны адрас «ТД квадрат» і «Аператара ВБ Таксі» супадае.
Wildberries развівае ўласны аўтапарк, а таксама супрацоўнічае з партнёрамі і прыцягвае прыватных перавозчыкаў. Таксама Wildberries будуе лагістычны цэнтр у індустрыяльным парку «Вялікі камень».
У маі ў Мінску пачаў працу таксі-сэрвіс A1. Цяпер на рынку дамінуе расійскі «Яндекс Таксі».
Читать на dev.by