Аўдыторыя аперацыйнай сістэмы імкліва скарачаецца: за тры апошнія гады Windows страціла каля 400 мільёнаў карыстальнікаў. Эксперты ўказваюць на падзенне цікавасці да ПК і тэхналагічнае развіццё смартфонаў.
Аўдыторыя аперацыйнай сістэмы імкліва скарачаецца: за тры апошнія гады Windows страціла каля 400 мільёнаў карыстальнікаў. Эксперты ўказваюць на падзенне цікавасці да ПК і тэхналагічнае развіццё смартфонаў.
Пра гэта паведамляе выданне ZDNet, спасылаючыся на блог выканаўчага віцэ-прэзідэнта Microsoft Юсуфа Мехдзі і дадзеныя гадавой справаздачы кампаніі за 2022 год. У свежай публікацыі Мехдзі сцвярджае, што Windows усталявана на больш чым адным мільярдзе актыўных прылад. Аднак у 2022 годзе Microsoft паведамляла пра 1,4 мільярда прылад з Windows 10 і 11.
Сярод магчымых прычын эксперты называюць зніжэнне цікавасці да ПК на карысць смартфонаў і планшэтаў, якія сталі дастаткова магутнымі для большасці задач. Таксама спажыўцы ўсё часцей аддаюць перавагу альтэрнатыўным аперацыйным сістэмам.
Нягледзячы на тое, што продажы Mac таксама зніжаюцца, прылады на базе Apple Silicon выглядаюць прывабнымі для тых, хто шукае кампактнасць, аўтаномнасць і прадукцыйнасць. А ў сегменце недарагіх прылад лідзіруюць Chromebook — асабліва папулярныя ў адукацыйнай сферы.
Microsoft актыўна прасоўвае абнаўленне да Windows 11, асабліва напярэдадні заканчэння падтрымкі «дзясяткі». У карпаратыўным сегменце гэта можа прывесці да ўсплёску закупак — кампаніі імкнуцца да абноўленых сістэм бяспекі. Але ў спажывецкім сегменце такіх стымулаў менш: старыя прылады працягваюць працаваць, і многім карыстальнікам не важная рэгулярная падтрымка.
Раней Windows утрымлівала пазіцыі за кошт офіснага пакета Microsoft Office, шырокага набору сумяшчальнага ПЗ і больш даступных коштаў на ПК у параўнанні з Mac. Аднак з ростам папулярнасці бясплатных вэб-аплікацый, такіх як Google Docs, і паляпшэннем якасці браўзерных рашэнняў, гэта перавага губляе актуальнасць.
Рэлацыраваліся? Цяпер вы можаце каментаваць без верыфікацыі акаўнта.