X выпусціць банкаўскія карты для разлікаў па ўсім свеце
Сацыяльная сетка рыхтуецца прэзентаваць XCard — дэбетавую карта, якая дазволіць карыстальнікам траціць баланс свайго акаўнта ў любой кропцы свету, дзе прымаюцца банкаўскія карты.
Пра навінку паведаміў Дзіма Зянюк, супрацоўнік X і Tesla. Хоць падрабязнасці пакуль не раскрываюцца, мяркуецца, што XCard дасць магчымасць выкарыстоўваць сродкі, заробленыя на платформе. Запуск адпавядае амбіцыйнай стратэгіі X — пераўтварыць сацсетку ва ўніверсальную аплікацыю, якая будзе аб’ядноўваць функцыі сацыяльных сетак і фінансавых сэрвісаў.
У 2024 годзе X пачала падрыхтоўку да ўкаранення плацежных паслуг, атрымаўшы ліцэнзіі на грашовыя пераводы ў некалькіх штатах ЗША. Першапачаткова планавалася інтэграцыя крыптавалютаў, такіх як біткойн або Dogecoin, улічваючы цікавасць Маска да іх, але прыярытэт зрушыўся ў бок традыцыйных фінансавых інструментаў. XCard можа зрабіць X канкурэнтам такіх плацежных платформаў, як PayPal, сузаснавальнікам якой з’яўляецца Ілан Маск.
Раней, у студзені, X абвясціла пра партнёрства з Visa для запуску X Money — плацежнага сэрвісу, які падтрымлівае імгненныя банкаўскія пераводы і peer-to-peer транзакцыі.
Читать на dev.by