Microsoft плануе выпусціць партатыўную гульнявую кансоль Xbox ужо ў гэтым годзе, але распрацоўваць прыладу будзе не сама кампанія, а адзін з яе партнёраў. Пераемнікі стацыянарных кансоляў Xbox Series X і S знаходзяцца ў распрацоўцы і павінны выйсці ў 2027 годзе.
Microsoft плануе выпусціць партатыўную гульнявую кансоль Xbox ужо ў гэтым годзе, але распрацоўваць прыладу будзе не сама кампанія, а адзін з яе партнёраў. Пераемнікі стацыянарных кансоляў Xbox Series X і S знаходзяцца ў распрацоўцы і павінны выйсці ў 2027 годзе.
Паводле Windows Central, кампанія працуе з партнёрам, які ўжо мае досвед у вытворчасці гульнявых ПК, над стварэннем партатыўнай прылады. Прылада з кодавым найменнем «Keenan» будзе выкананая ў дызайне Xbox, атрымае «афіцыйную кнопку Xbox Guide» і, верагодна, будзе працаваць пад кіраваннем Windows 11.
Віцэ-прэзідэнт Microsoft Джэйсан Рональд заявіў, што карпарацыя хоча аб’яднаць «лепшае з Xbox і Windows». Кампанія спадзяецца спрасціць Windows і зрабіць яе больш падобнай да кансольнай для партатыўных прылад.
Microsoft таксама плануе звярнуць увагу на зваротную сумяшчальнасць з гульнямі для старых версій Xbox і ўкараніць падтрымку старонніх гульнявых крам, такіх як Epic Games Store, GOG, itch.io і нават Steam. Новыя кантролеры атрымаюць магчымасць наўпроставага падлучэння да воблака, што спросціць гульцам пераход паміж прыладамі.
На працягу доўгага часу Microsoft сутыкалася з цяжкасцямі з рэалізацыяй кансоляў Xbox Series X і S: паступова іхныя продажы зніжаліся. Пасля паглынання Activision Blizzard кампанія вырашыла засяродзіцца на асноўнай лінейцы гульняў Call of Duty, World of Warcraft і Overwatch, а таксама пераносіць свае эксклюзівы на Sony PlayStation.
Рэлацыраваліся? Цяпер вы можаце каментаваць без верыфікацыі акаўнта.