Прэзідэнт ЗША Дональд Трамп абвясціў, што сацсетка зможа працягнуць працу ў краіне пасля шматгадовага канфлікту з уладамі. У відэа, апублікаваным у панядзелак раніцай на самой платформе, Трамп звярнуўся да маладой аўдыторыі.
Прэзідэнт ЗША Дональд Трамп абвясціў, што сацсетка зможа працягнуць працу ў краіне пасля шматгадовага канфлікту з уладамі. У відэа, апублікаваным у панядзелак раніцай на самой платформе, Трамп звярнуўся да маладой аўдыторыі.
«Да ўсіх маладых людзей TikTok: я выратаваў TikTok, так што вы мне моцна вінныя. А цяпер вы бачыце мяне ў Авальным кабінеце — і калісьці хтосьці з вас будзе сядзець за гэтым сталом і рабіць выдатную працу», — сказаў Трамп.
@realdonaldtrump I SAVED TIKTOK!
♬ original sound — President Donald J Trump
25 верасня Трамп падпісаў выканаўчы ўказ, які дазваляе TikTok працягнуць дзейнасць у ЗША пры ўмове перадачы амерыканскіх актываў кансорцыуму інвестараў, куды ўвайшлі Oracle і Silver Lake Partners.
Кітайская кампанія ByteDance захавае абмежаваную долю, не звязаную з пытаннямі бяспекі. Над алгарытмам рэкамендацый і захоўваннем карыстальніцкіх дадзеных будзе сачыць Oracle, каб выключыць замежны доступ.
Рашэнне завяршае шматгадовую спрэчку паміж Вашынгтонам і Пекінам, якая пачалася яшчэ пры адміністрацыі Байдэна, калі Кангрэс абавязаў кітайскі бок перадаць кантроль над амерыканскімі аперацыямі TikTok.
TikTok стаў заўважным фактарам у палітычным жыцці ЗША: па словах Трампа, карыстальнікі платформы спрыялі росту яўкі маладых выбаршчыкаў на выбарах 2024 года, дзе рэспубліканцы атрымалі лепшыя вынікі сярод моладзі за апошнія гады.
Віцэ-прэзідэнт Джэй Дзі Вэнс паабяцаў, што дэталі ўгоды будуць удакладнены пасля далейшых перамоваў Трампа і старшыні КНР Сі Цзіньпіна.
Юрыдычнае афармленне ўгоды і тэхнічны пераход да новай структуры зоймуць некалькі месяцаў. Эксперты лічаць, што прэцэдэнт TikTok можа стаць мадэллю рэгулявання для іншых замежных платформаў, якія працуюць у ЗША.
Рэлацыраваліся? Цяпер вы можаце каментаваць без верыфікацыі акаўнта.