У каталогу Hacker Books сабраныя кнігі, якія карыстальнікі Hacker News абмяркоўвалі амаль 20 гадоў. Можна паглядзець рэйтынгі, знайсці рэкамендацыі ў праграмаванні і даведацца, што чытачы думаюць пра кожную кнігу.
У каталогу Hacker Books сабраныя кнігі, якія карыстальнікі Hacker News абмяркоўвалі амаль 20 гадоў. Можна паглядзець рэйтынгі, знайсці рэкамендацыі ў праграмаванні і даведацца, што чытачы думаюць пра кожную кнігу.
Распрацоўшчык Рохіт Шындэ стварыў Hacker Books — анлайн-бібліятэку з 15 766 кніг, згаданых у каментарах Hacker News з 2007 па 2026 год. Для гэтага ён прааналізаваў больш за 281 тысячу ўзгадванняў у 225 тысячах каментароў амаль 58 тысяч карыстальнікаў.
У праекце ёсць агульны рэйтынг кніг, тэматычныя падборкі, спіс твораў, якія набіраюць папулярнасць, і персанальныя рэкамендацыі. Для кожнай кнігі можна паглядзець, колькі чалавек яе абмяркоўвалі, колькі рэкамендавалі іншым і што менавіта пра яе пісалі.
Напрыклад, адзін з лідараў у колькасці ўзгадванняў — The Art of Computer Programming Дональда Кнута. Яе абмяркоўвалі 1125 карыстальнікаў, рэкамендавалі 336. А ў How to Win Friends and Influence People Дэйла Карнегі 579 рэкамендатараў — больш, чым у любой іншай кнігі ў каталогу.
Каб адрозніваць рэкамендацыі ад звычайных узгадванняў і крытыкі, аўтар скарыстаўся Claude Sonnet 5.5. Нейрасетка класіфікавала каментары, а вынікі выбарачна параўналі з ацэнкамі магутнейшага Claude Opus 5.5. Супадзенне склала каля 85%, таму ў дадзеных магчымы памылкі.
Сам сайт таксама практычна цалкам напісала нейрасетка. Паводле Шындэ, Claude Opus 5.5 стварыла не толькі інтэрфейс, але і сістэму апрацоўкі дадзеных. Распрацоўшчык у асноўным кіраваў працэсам, прымаў рашэнні і купіў дамен.
Ідэю ён запазычыў у Андрэя Карпатага, які нядаўна стварыў HackerTube — альтэрнатыўную відэаплатформу з роплікамі, рэкамендаванымі ўдзельнікамі Hacker News. На распрацоўку праекта ў Карпатага сышло каля двух гадзін.
Релоцировались? Теперь вы можете комментировать без верификации аккаунта.