Яндэкс Go прызналі манапалістам на рынку паслуг таксі ў Беларусі

Паводле слоў чыноўніка, для сэрвісу пачынаюць дзейнічаць «усе патрабаванні антыманапольнага заканадаўства».

— Аўтаматычна ўступаюць у сілу ўсе патрабаванні антыманапольнага заканадаўства: недыскрымінацыйныя ўмовы доступу спажыўцоў да паслуг, недапушчэнне манапольна высокіх або нізкіх цэн, — заявіў Іван Вежнавец.

МАРГ таксама выказаў занепакоенасць тым, што ў праграме «Яндэкс Go» пачасціліся выпадкі прапановы таксі па падвышаным тарыфе. Аргументацыя такая: высокая загружанасць кіроўцаў, нават не ў сама розрух.

— Нам павінны даць алгарытм разліку вось гэтых «гарачых гадзін». Як фармуюцца каэфіцыенты павышэння, зыходзячы з іх матэматычнай мадэлі, якая, як яны кажуць, закладзеная ў праграмным прадукце.

Раней Мінскі гарадскі выканаўчы камітэт таксама заяўляў аб прызнанні манапольнага становішча і неабходнасці ў абавязковай альтэрнатыве. Разглядаліся прапановы стварэння нацыянальнага аператара таксі аналагічнага тыпу.