Яндэкс адкрые «айціінтэрнат» для стажораў

«Яндэкс» паспрабуе зрабіць «айціінтэрнат» не падобным да звычайных хостэлаў і студэнцкіх інтэрнатаў. У кожным пакоі будзе ўсталяваная калонка «Яндэкс.Станцыя» для кіравання асвятленнем і вырашэння бытавых задач. У зоне для заняткаў праз яе можна будзе паслухаць нейрамузыку, якая дапамагае засяродзіцца.

Вечарамі і выходнымі ў «айціінтэрнаце» будуць праходзіць нефармальныя сустрэчы з супрацоўнікамі тэхнагіганта.

«Сёлета мы чакаем у сябе звыш дзвюх тысяч стажораў. Большасць стажорскіх вакансій — у Маскве, дзе знаходзяцца самыя буйныя офісы «Яндэкса». У рэгіёнах шмат таленавітых дзяцей, і мы заўсёды аплачвалі ім дарогу і пражыванне ў сталіцы на час стажыроўкі. Але нам хочацца, каб стажорскі хостэл быў не проста месцам, куды прыходзяць паспаць. Хочацца, каб ён адпавядаў духу «Яндэкса» — быў утульным, разумным і тэхналагічным, — адзначылі ў «Яндэксе».

 

 

 

Таксама ў хостэле будуць разеткі з падключэннем да інтэрнэту, асобныя працоўныя зоны са сталамі і фатэлямі, спартовая зона, зона для відэагульняў, міні-кінатэатр з праектарам і кафетэрый — у ім размесцяць вендаматы з гатовай ежай.

Разам з тэхналагічнасцю «Яндэкс» хоча захаваць дух інтэрната. Напрыклад, будуць ладзіцца «пельмядзельнікі» — вячэры з пельменямі ў панядзелкі.

У цэлым для стажораў будзе арганізаваная асобная адукацыйна-забаўляльная праграма: акустычны канцэрт на адкрыцці ў ліпені, кіберспартовы турнір, экскурсія ў цэнтр робататэхнікі «Яндэкса.Маркета» ды іншыя мерапрыемствы.

Цяпер афіцыйна: «Яндэкс» адкрывае новы офіс у Сербіі

Па тэме

Цяпер афіцыйна: «Яндэкс» адкрывае новы офіс у Сербіі