«Яндэкс» паказаў прасунутую версію пашукавіка
«Яндэкс» запусціў абноўленую версію пошуку пад назвай Y2. Сярод новых функцый — пошук відэа з закадравым перакладам, пошук «аб’ектаў, а не сайтаў» і так званых «вялікіх тэм» паводле інтарэсаў карыстальніка. Таксама з’явілася магчымасць рэгістраваць дзіцячыя акаўнты, кантэнт для якіх будзе падбірацца ў залежнасці ад веку, а таксама шукаць адказы, карысныя прафесійнай аўдыторыі. Пошук можна ажыццяўляць трыма спосабамі: тэкстам, голасам або паводле малюнка.
- Пошук аб’ектаў. Y2 прадугледжвае не проста індэксацыю вэб-старонак, але і выбар з індэксаванага кантэнту інфармацыі пра шуканыя аб’екты — самае важнае будзе адбірацца і дэманстравацца беспасярэдне ў выдачы. Напрыклад, пры выбары тавару, курса па праграмаванні або доктара інфармацыя будзе адлюстроўвацца ў структураваным выглядзе — з цаной ды іншымі дэталямі без неабходнасці самастойна вывучаць дзясяткі сайтаў і водгукі карыстальнікаў.
- Вялікія тэмы. «Яндэкс» улічвае доўгатэрміновыя інтарэсы карыстальніка, дазваляючы адным клікам вярнуцца да гісторыі запытаў па тэме і захаваных матэрыялаў. Распазнаць цікавасць да той ці іншай тэме дапамагае класіфікатар на аснове нейрасеткі YaLM. Ён здольны вылучаць тэмы па адукацыі, кар’еры, фінансах, нерухомасці, рамонце, сям'і і іншых пытаннях.
- Пераклад відэа. У пошуку цяпер ёсць магчымасць аўтаматычнага шматгалосага перакладу відэа з пяці моў: англійскай, нямецкай, французскай, італьянскай і іспанскай. Функцыя працуе ў браўзеры і мабільнай праграме «Яндэкса». Дадаткова прадугледжана падтрымка перакладу стрымаў.
- Пошук адказаў для ІТ-спецыялістаў. Алгарытмы Y2 забяспечваюць з дапамогай нейрасеткі-трансформера CS YATI пошук аптымальных адказаў на пытанні распрацоўшчыкаў і ML-спецыялістаў. У далейшым будзе праводзіцца аптымізацыя адказаў на іншыя пытанні вузкаспецыялізаваных экспертаў.
- Дзіцячы акаўнт. Y2 дазваляе засцерагчы дзіця ад непажаданага для яго ўзросту кантэнту. Акрамя пошуку магчымасці дадзенага ўліковага запісу распаўсюджваюцца і на іншыя сэрвісы «Яндэкса», уключаючы музыку і «Кінапошук».
Читать на dev.by