Японія і Нідэрланды ўслед за ЗША абмяжуюць пастаўку важнага абсталявання ў Кітай
ЗША пераканалі Японію і Нідэрланды абмежаваць экспарт абсталявання для вытворчасці перадавых чыпаў у Кітай, піша Bloomberg са спасылкай на дасведчаныя крыніцы. Перамовы праходзілі ў Вашынгтоне і завяршыліся ў пятніцу.
Дамоўленасці стануць працягам экспартных мер стрымлівання, якія ўлады ЗША ўвялі супраць Кітая мінулага кастрычніка. Цяпер яны распаўсюдзяцца на кампаніі краін-саюзнікаў ЗША. ASML забароняць прадаваць Кітаю абсталяванне для имерсійнай літаграфіі, якое грае найважнейшую ролю ў вытворчасці самых прасунутых чыпаў. Аналагічныя забароны закрануць японскія Nikon і Tokyo Electron.
Гэта яшчэ больш падарве здольнасць Кітая ўзмацніць уласную вытворчасць чыпаў. Аднак у ASML кажуць, што сваімі дзеяннямі ЗША толькі падштурхнуць Кітай да самастойнай распрацоўкі патрэбных тэхналогій, зрабіўшы незалежным ад экспарту — гэта толькі пытанне часу.
Bloomberg адзначае, што публічна аб’яўляць пра абмежаванні краіны не плануюць. Іх рэалізацыя расцягнецца на месяцы, пакуль Японія і Нідэрланды будуць займацца юрыдычным бокам пытання.
Прадстаўнікі нідэрландскага міністэрства гандлю адмовіліся каментаваць абмеркаванні выданню, у Белым доме не адказалі на запыт.
Читать на dev.by