Алеся Чапкевич world 10 верасня 2025, 11:11

Выбіць доўг, пакараць крыўдзіцеляў: японскі сэрвіс прапанаваў «арэнду застрашлівых людзей», якія вырашаць вашы праблемы за паўгадзіны

У Японіі стала віруснай кампанія, якая прапануе паслугі па арэндзе грозных лысых мужчын у татуіроўках, якія за 30 хвілін дапамогуць кліентам разабрацца з самымі рознымі непрыемнасцямі, паведамляе South China Morning Post. Скрыншотамі з сайта сэрвісу падзяліліся карыстальнікі Х.

1 каментарый

У Японіі стала віруснай кампанія, якая прапануе паслугі па арэндзе грозных лысых мужчын у татуіроўках, якія за 30 хвілін дапамогуць кліентам разабрацца з самымі рознымі непрыемнасцямі, паведамляе South China Morning Post. Скрыншотамі з сайта сэрвісу падзяліліся карыстальнікі Х.

レンタル怖い人っていうサービスがあるらしい（笑）
夫の不倫相手との話し合い、近所の騒音トラブル、給料を一緒に取りに行く、賃貸の退去立会の同行などで依頼があるらしい‼️ pic.twitter.com/U8jyAqtgXZ
— ちいかまちゃん🤢 (@yukitichqn) August 28, 2025

Кампанія абяцае, што яе супрацоўнікі будуць дзейнічаць у рамках закона і па просьбе кліента спыняць выкананне задачы. Таксама яна абяцае не наймаць злачынцаў.

Грозныя мужчыны павінны хутка і эфектыўна вырашыць праблемы кліентаў. Яны могуць супакоіць шумных суседзяў, напалохаць задзірыстых калег або прыйсці ў якасці групы падтрымкі на сустрэчу з палюбоўніцай мужа. Некаторым кліентам псіхалагічна спакайней у спрэчках з супернікамі, калі за спіной ёсць хтосьці, з кім нікому не хацелася б звязвацца.

Каштуе такі сэрвіс $140 за паўгадзіны і $340 за тры гадзіны. Таксама кліенты аплачваюць выдаткі супрацоўнікаў на дарогу, калі трэба выязджаць за горад.

Карыстальнікам сацсетак такі сэрвіс спадабаўся. Яго лічаць карысным, бо моцныя людзі нярэдка карыстаюцца сваёй перавагай, каб беспакарана крыўдзіць слабых, і цяпер другія з чыёйсьці дапамогай змогуць даць адпор. Некаторыя пацікавіліся, што будзе, калі абодва бакі канфлікту замовяць паслугі сэрвісу. А некаторыя засумняваліся ў яго законнасці

31 жніўня, праз тры дні пасля таго, як аповед пра кампанію разышоўся па сеціве, яна без тлумачэння прычын абвясціла, што згортвае сэрвіс. Карыстальнікі выказалі здагадку, што ў яе не было дазволу на такую дзейнасць.