Алеся Чапкевич bel 20 кастрычніка 2026, 18:31

Яшчэ адна крыптабіржа спыняе працу з беларусамі

Крыптабіржа MEXC абвясціла пра спыненне абслугоўвання карыстальнікаў з Беларусі і Расіі. Пра гэта паведамляе myfin.by са спасылкай на афіцыйнае апавяшчэнне платформы.

Пакінуць каментарый

Яшчэ адна крыптабіржа спыняе працу з беларусамі

Крыптабіржа MEXC абвясціла пра спыненне абслугоўвання карыстальнікаў з Беларусі і Расіі. Пра гэта паведамляе myfin.by са спасылкай на афіцыйнае апавяшчэнне платформы.

Змены закрануць не ўсе акаўнты адначасова. Карыстальнікам, якіх яны датычаць, біржа адправіць індывідуальныя апавяшчэнні з інфармацыяй пра тое, як і ў якія тэрміны закрыць адкрытыя пазіцыі і вывесці сродкі.

У MEXC заявілі, што актывы карыстальнікаў застаюцца ў бяспецы. Рашэнне патлумачылі працай над выкананнем рэгулятарных патрабаванняў у розных краінах, аднак не ўдакладнілі, якія менавіта патрабаванні сталі прычынай спыніць абслугоўванне карыстальнікаў з дзвюх краінаў.

Біржа асобна ўдакладніла, што калі карыстальнік не атрымаў апавяшчэнне, змены пакуль не закранаюць ягоны акаўнт, і ён можа працягваць карыстацца платформай у звычайным рэжыме.

Некалькі дзён таму абмежаваць працу з беларусамі вырашыла Bitget: з 18 кастрычніка яе кліенты з Беларусі, Расіі і Казахстана не могуць адкрываць новыя ўгоды, а да 21 кастрычніка павінны закрыць пазіцыі і вывесці актывы.