На фоне ўзмацнення жорсткасці візавай палітыкі пры Доналдзе Трампе і звальненняў у ІТ бігтэхі прыкметна скарацілі падачу заявак на візы H-1B. Паводле дадзеных Мінпрацы ЗША, больш за ўсё сертыфікаваных заявак было ў Amazon, але і там адбылося рэзкае падзенне: з 4647 у 1 квартале 2025 года да 3057 у 1 квартале 2026 года.
На фоне ўзмацнення жорсткасці візавай палітыкі пры Доналдзе Трампе і звальненняў у ІТ бігтэхі прыкметна скарацілі падачу заявак на візы H-1B. Паводле дадзеных Мінпрацы ЗША, больш за ўсё сертыфікаваных заявак было ў Amazon, але і там адбылося рэзкае падзенне: з 4647 у 1 квартале 2025 года да 3057 у 1 квартале 2026 года.
Гаворка ідзе менавіта пра сертыфікаваныя заяўкі — гэта значыць пра тое, якія ведамства праверыла, каб пераканацца, што замежнаму супрацоўніку будуць плаціць на ўзроўні іншых працаўнікоў на аналагічных пасадах і што яго наём не пагоршыць становішча мясцовых працаўнікоў.
У іншых буйных спонсараў віз — Apple, Google, Meta і Microsoft — колькасць такіх заявак таксама знізілася. У Meta і Google падзенне прыкладна двухразовае. Business Insider таксама выявіў змяншэнне візавых заявак у іншых тэхнакампаній, у тым IBM, Salesforce і Tesla.
Зніжэнне тлумачаць мінімум дзвюма прычынамі: ускладненнем і падаражаннем праграмы, а яшчэ тым, што кампаніям можа папросту патрабавацца менш работнікаў.
Адзінай буйной кампаніяй, якая вылучаецца з агульнага трэнду, стала Nvidia: у яе колькасць заявак на H-1B вырасла за год з 369 да 434. Джэнсэн Хуанг казаў, што Nvidia працягне наймаць імігрантаў пасля таго, як адміністрацыя Трампа ўвяла збор у $100 тысяч за новыя заяўкі на H-1B для замежных работнікаў. Меру ўлады аргументавалі барацьбой з махлярствам і жаданнем заахвоціць кампаніі наймаць амерыканцаў.
Прыведзеныя лічбы адлюстроўваюць толькі сертыфікацыю заявак Міністэрствам працы, а не канчатковыя адабрэнні віз і не вынікі латарэі. На аднаго работніка можа прыпадаць некалькі заявак, а квартальныя дадзеныя даюць толькі папярэдняе ўяўленне, паколькі гадавыя паказнікі могуць змяняцца ў залежнасці ад цыклаў найму і іншых фактараў.
Юрысты лічаць, што візавы збор можа даць перавагу тэхнагігантам, таму што яны здольныя плаціць больш і наймаць ужо тых трымальнікаў віз, што знаходзяцца ў ЗША або нядаўніх выпускнікоў. Але ўсе заяўкі цяпер праходзяць больш жорсткую праверку. Юрысты таксама адзначаюць, што ў 1 квартале заявак звычайна менш, таму што ў гэты перыяд працадаўцы ў асноўным падаюць дакументы на змену працы або падаўжэнне візы для ўжо працуючых супрацоўнікаў. Асноўны паток заявак прыпадае на 2 квартал, калі праходзіць латарэя на 85 тысяч віз H-1B. Акрамя таго, попыт на візы ў тэхнасектары зніжае запавольванне найму пасля некалькіх гадоў інтэнсіўнага набору персаналу. Кампаніі сталі больш выбіральна падыходзіць да таго, каго спансараваць.
Релоцировались? Теперь вы можете комментировать без верификации аккаунта.