Николай Чикишев world 9 чэрвеня 2025, 12:32

YouTube не паказвае відэа з уключаным блакiроўшчыкам рэкламы

Платформа пачала блакававць прайграванне відэа для карыстальнікаў, у якіх актываваныя блакіроўшчыкі рэкламы, такія як AdBlock і uBlock Origin.

1 каментарый

YouTube не паказвае відэа з уключаным блакiроўшчыкам рэкламы

Платформа пачала блакававць прайграванне відэа для карыстальнікаў, у якіх актываваныя блакіроўшчыкі рэкламы, такія як AdBlock і uBlock Origin.

Карыстальнікі Reddit паведамляюць, што пры спробе запусціць відэа на платформе з’яўляецца апавяшчэнне, у якім YouTube нагадвае, што «рэклама дазваляе мільярдам карыстальнікаў глядзець кантэнт бясплатна». У якасці альтэрнатывы відэахостынг прапануе аформіць падпіску на YouTube Premium для бесперапыннага прагляду. У некаторых выпадках замест апавяшчэння карыстальнікі бачаць толькі чорны экран.

Тэставанне блакіроўкі прайгравання пачалося яшчэ ў 2023 годзе, калі YouTube дазваляў праглядзець да трох відэа без рэкламы, пасля чаго прапаноўваў адключыць блакіроўшчык. У 2024 годзе платформа ўзмацніла меры, закрыўшы шчыліны, якія дазвалялі некаторым браўзерам, у тым ліку Mozilla Firefox, і пашырэнням абыходзіць абмежаванні. Паводле звестак 9to5Google, цяпер карыстальнікі, якія раней паспяхова пазбягалі рэкламы, не могуць прайграваць відэа, пакуль не дададуць YouTube у «белы спіс» блакіроўшчыка або не адключаць яго цалкам.

Рэакцыя карыстальнікаў была бурнай: яшчэ ў 2023 годзе спробы YouTube ўвесці забарону на блакіроўшчыкі выклікалі хвалю абурэння, а ў ЕС нават быў паданы пазоў аб «незаконным назіранні» за карыстальнікамі. Хаця некаторыя шчыліны часова дазвалялі абыходзіць абмежаванні, Google працягвае іх закрываць, што зноў выклікае незадаволенасць.

Пры гэтым новыя меры пакуль не закранулі ўсіх карыстальнікаў. У Паўднёва-Усходняй Азіі і Еўропе блакіроўшчыкі рэкламы, відаць, працягваюць працаваць. Невядома, ці звязана гэта з тым, што YouTube яшчэ не ўкаранiў змены ў гэтых рэгіёнах, ці з тым, што распрацоўшчыкі блакіроўшчыкаў ужо выпусцілі абноўленыя фільтры для супрацьдзеяння новым абмежаванням.