YouTube перастане паказваць усплывальныя рэкламныя банеры

Усплывальныя банеры перастануць паказваць падчас прагляду відэа ў вэб-версіі на ПК і ноўтбуках. Раней іх адключылі на мабільных прыладах. Youtube прыняла такое рашэнне, паколькі палічыла гэты фармат рэкламы «састарэлым». У кампаніі лічаць, што ўсплывальныя банеры перашкаджаюць гледачам праглядаць відэа.

Прадстаўнікі платформы запэўнілі аўтараў, што адмова ад такой рэкламы не акажа на іх значнага ўплыву. Блогераў, якія выкарыстоўваюць такія банеры, перавядуць на іншыя рэкламныя фарматы.