Youtube павышае кошт падпіскі да 50% у некалькіх краінах

Рост кошту падпіскі Premium вар'іруецца ў залежнасці ад рэгіёна. Напрыклад, у Ірландыі, Бельгіі, Нідэрландах і Італіі кошт сямейнай падпіскі вырасце на 8 еўра (ад 18 да 26 Еўра). Індывідуальная падпіска ў гэтых краінах падаражэе на 2 еўра.

У Швейцарыі сямейная падпіскі падаражэе ад 24 да 34 франкаў, індывідуальны пакет — ад 16 да 18 франкаў. У Швецыі сямейная падпіска вырасце ад 179 да 279 крон. Павышэнне цэн таксама закране падпісчыкаў на Блізкім Усходзе, у Сінгапуры, Тайландзе і Інданезіі.

Гэта другое павышэнне цэн на YouTube Premium за апошні год. Мінулага разу цана павысілася ў Індыі на 20%. Яшчэ большае павышэнне чакае тых, хто будзе аплачваць падпіску праз App Store, паколькі дадаткова трэба плаціць за камісію.