Youtube запускае аўтаматычны дубляж на дзевяці мовах

Атрымаць аўтаматычны дубляж змогуць аўтары, якія, напрыклад, вядуць кулінарныя блогі або расказваюць пра падарожжы. У перспектыве функцыя стане даступная і аўтарам іншага тыпу кантэнту.

Пры загрузцы відэа Youtube будзе аўтаматычна вызначаць зыходную мову і ствараць дубляваныя версіі на некалькіх мовах. Аўтар іх можа знайсці ў YouTube Studio ў раздзеле «Мовы». Аўтары могуць праглядаць і кіраваць гэтымі дубляжамі, у тым ліку скасоўваць публікацыі або выдаляць нездавальняючыя версіі.

Пакуль платформа падтрымлівае англійскую, французскую, нямецкую, індыйскую, інданезійскую, італьянскую, японскую, партугальскую і іспанскую мовы. Google папярэджвае, што асістэнт можа дапускаць граматычныя, стылістычныя і фанетычныя памылкі, а тэмбр дубляжу можа адрознівацца ад арыгінальнага.