У Беларусі пачалі вазіць тавары на аўтаномных электрагрузавіках, піша npr.by. Пілотны праект запусціў рытэйлер «Добранам», якому належаць сеткі «Капеечка» і «Маяк», у размеркавальным цэнтры «Прылессе» пад Мінскам сумесна з расійскай кампаніяй «ЭваКарга».
У Беларусі пачалі вазіць тавары на аўтаномных электрагрузавіках, піша npr.by. Пілотны праект запусціў рытэйлер «Добранам», якому належаць сеткі «Капеечка» і «Маяк», у размеркавальным цэнтры «Прылессе» пад Мінскам сумесна з расійскай кампаніяй «ЭваКарга».
На закрытай тэрыторыі склада ўжо кругласутачна працуюць першыя 11 беспілотнікаў. Машыны развозяць прадукты, напоі і гаспадарчыя тавары. Яны абсталяваны камерамі, радарамі і лідарамі.
Кіруе машынамі ШІ, які не проста распазнае пешаходаў ці стэлажы, а прагназуе траекторыю руху іншых аб’ектаў, адаптуецца да змены асвятлення ў ангары і ўмее карэктаваць маршрут у залежнасці ад вільготнасці падлогі.
Адзін аператар можа дыстанцыйна кантраляваць 10-12 такіх машын, сочачы за маршрутамі і ўзроўнем зарадкі. За кошт пераходу на электрацягу і аптымізацыі лагістыкі кампанія разлічвае знізіць аперацыйныя выдаткі на 35%.
У будучыні праект хочуць маштабаваць і праверыць бесплатную дастаўку па-за складам на паўнавартасных грузавых маршрутах.
Рэлацыраваліся? Цяпер вы можаце каментаваць без верыфікацыі акаўнта.