Кіраўнік Microsoft Сат’я Надэла лічыць, што бізнесу час адыходзіць ад сляпой залежнасці ад некалькіх тэхгігантаў і рыхтаваць уласны штучны інтэлект. На ягоную думку, ШІ павінен быць адаптаваны пад унікальныя задачы канкрэтнага прадпрыемства.
Кіраўнік Microsoft Сат’я Надэла лічыць, што бізнесу час адыходзіць ад сляпой залежнасці ад некалькіх тэхгігантаў і рыхтаваць уласны штучны інтэлект. На ягоную думку, ШІ павінен быць адаптаваны пад унікальныя задачы канкрэтнага прадпрыемства.
Надэла падзяліўся сваім бачаннем карпаратыўнага ШІ ў свежым інтэрв’ю сузаснавальніку Applied Compute Яшу Патылу: «Мая пазіцыя простая: у свеце павінна быць столькі ж ШІ-мадэляў, колькі існуе кампаній. Бо што такое кампанія па сваёй сутнасці? Гэта сістэма, якая пастаянна вучыцца».
Сёння большасць арганізацый абапіраюцца на базавыя платформы ад вузкага кола распрацоўшчыкаў накшталт OpenAI, Anthropic, Google і Meta. Надэла перакананы, што гэта тупіковы шлях. Ён падкрэсліў, што канцэнтрацыя ўсяго ШІ-рынку ў руках двух-трох гульцоў нясе ў сабе велізарныя доўгатэрміновыя рызыкі для глабальнай эканомікі, паколькі знішчае ўнікальнасць і дыферэнцыяцыю бізнесаў.
Кіраўнік Microsoft заклікаў кампаніі не загнаць сябе ў пастку аднаго пастаўшчыка, а больш актыўна выкарыстоўваць уласныя дадзеаныя для навучання невялікіх, энергаэфектыўных ШІ-мадэляў або наладжваць пад сябе адкрытыя open-weight мадэлі накшталт Llama ад Meta ці рашэнняў ад Mistral. Сама Microsoft ужо даўно ўкараняе мультымадэльную стратэгію на платформе Azure AI Foundry, прапануючы кліентам не толькі тэхналогіі OpenAI, але і старонніх распрацовак накшталт DeepSeek і Cohere. Падобны шлях абралі Amazon з платформай Bedrock і Google Cloud.
Галоўны аргумент Надэлы ў тым, што ўнікальны досвед і ўнутраныя працэсы — гэта тое, што немагчыма купіць на баку: «Вы заўсёды можаце купіць гатовы інструмент, аддаць на аўтсорс нейкую задачу або нават цэлую пасаду. Але вы не можаце аддаць на аўтсорс сваё навучанне. Калі вы дэлегуеце камусьці іншаму працэс свайго навучання, то навошта вы ўвогуле існуеце?»
Рэлацыраваліся? Цяпер вы можаце каментаваць без верыфікацыі акаўнта.