Электрыкі, сантэхнікі пад ударам: ШІ хутка дабярэцца і да іх
Фрэд Вакола — генеральны дырэктар кампаніі Simpro Group, якая распрацоўвае софт для будаўнікоў і мантажнікаў, — лічыць, што ў рабочых прафесій ёсць перавага перад ШІ. Але ненадоўга.
Фрэд Вакола — генеральны дырэктар кампаніі Simpro Group, якая распрацоўвае софт для будаўнікоў і мантажнікаў, — лічыць, што ў рабочых прафесій ёсць перавага перад ШІ. Але ненадоўга.
«Сярод найбольш абароненых цяпер — электрыкі, сантэхнікі, спецыялісты вентыляцыі. Але гэтая абарона працягнецца толькі абмежаваны час», — адзначыў ён у гутарцы з Business Insider.
Пакуль удар прымаюць на сябе офісныя супрацоўнікі. Вакола прыводзіць паказальны прыклад з уласнай практыкі: у адной з ягоных кампаній каманда кантэнт-маркетынгу за год скарацілася з 17 чалавек да двух — пры гэтым кантэнту стала больш.
Наступная хваля, паводле яго, адбудзецца на стыку ШІ-софта і робатызацыі. Simpro ужо распрацоўвае робатаў для пракладкі кабеляў, інспекцыі інфраструктуры і працы ў небяспечных умовах. «Наноробаты, якія знаходзяць праблемы ў трубах без раскопак, электратэставанне, абследаванне аб’ектаў — усё гэта робаты могуць рабіць хутчэй, танней і бяспечней», — тлумачыць Вакола. Выхад на рынак ён чакае ўжо ў канцы гэтага года.
Прагноз у яго несуцяшальны: праз 2-3 гады робатызацыя стане нормай, а праз 10 гадоў машыны возьмуць на сябе не менш паловы задач сініх каўнерыкаў.
Многія ў індустрыі, аднак, глядзяць на гэта інакш. Ілан Маск упэўнены, што фізічная праца пратрымаецца значна даўжэй за лічбавую, а кіраўнік Nvidia Джэнсэн Хуанг лічыць, што бум ШІ толькі падштурхне попыт на кваліфікаваных рабочых — тых, хто будзе ўзводзіць пад яго інфраструктуру. Вакола згодны: у кароткатэрміновай перспектыве попыт і сапраўды можа вырасці. Але ў доўгую не ўтрымаецца ніводная галіна.
«Гэта пужае», — прызнаецца ён.
ШІ выклікаў вострую нястачу электрыкаў, сантэхнікаў у ЗША
ШІ выклікаў вострую нястачу электрыкаў, сантэхнікаў у ЗША
«Кідайце каледжы»: CEO Hadrian заклікаў ісці ў зваршчыкі і электрыкі, працы хопіць усім
«Кідайце каледжы»: CEO Hadrian заклікаў ісці ў зваршчыкі і электрыкі, працы хопіць усім
Релоцировались? Теперь вы можете комментировать без верификации аккаунта.
Это пугает только тех, кто пытается разгонять тревогу и фомо у других. Остальные знают, что работа электриков, сантехников и вентиляционщиков в полной безопасности