Заблакаваныя акаўнты PlayStation Network адноўленыя. Sony дагэтуль маўчыць

Цяпер шматлікія ўліковыя запісы ўжо адноўленыя. Некаторыя карыстальнікі звярнуліся ў службу падтрымкі сэрвісу. Праз дзень пасля інцыдэнтаў Sony дагэтуль не пракаментавала публічна выпадкі блакаванняў і аднаўлення акаўнтаў.

«Гэты ўліковы запіс заблакаваны ў PlayStation Network назаўжды ў сувязі з парушэннямі ўмоў абслугоўвання і карыстальніцкага пагаднення PlayStation Network», — было напісана ў паведамленні, якое накіравала Sony аднаму з карыстальнікаў платформы.

У заблакаваных карыстальнікаў не было магчымасці падаць апеляцыю або вывесці грошы з рахунку. Аднаму карыстальніку ўдалося дамагчыся адказу ад падтрымкі, але ў ім быў стандартны скрыпт са словамі аб блакаванні акаўнта за парушэнне карыстальніцкай дамовы.