Аддзел навін 14 жніўня 2023, 13:43

Сілавікі затрымалі дырэктара цэнтра тэхнічнай падтрымкі БелАЗа

У Мінску быў затрыманы дырэктар ТАА «Цэнтр тэхнічнай падтрымкі» КМА-БелАЗ» (кампанія зарэгістраваная ў Белгародскай вобласці). Пра гэта паведамляюць праўладныя тэлеграм-каналы.

Пакінуць каментарый

У Мінску быў затрыманы дырэктар ТАА «Цэнтр тэхнічнай падтрымкі» КМА-БелАЗ» (кампанія зарэгістраваная ў Белгародскай вобласці). Пра гэта паведамляюць праўладныя тэлеграм-каналы.

На відэа, апублікаваным сілавікамі, мужчына кажа, што нібыта двойчы «ўдзельнічаў у нядзельных маршах і пісаў негатыўныя каментары ў дачыненні да супрацоўнікаў». Таксама ён называе памер свайго заробку.

Праўладныя тэлеграм-каналы не паведамляюць, па якім артыкуле быў затрыманы дырэктар Цэнтр тэхнічнай падтрымкі БелАЗа. Таксама не называецца яго імя. У расійскім рэестры юрыдычных асоб пазначана, што дырэктарам ТАА «Цэнтр тэхнічнай падтрымкі «КМА-БелАЗ» з’яўляецца Андрэй Фёдараў.