Эксперты падлічылі, колькі каштуе Расіі замясціць замежныя мікрачыпы

Пра гэта гаворыцца ў справаздачы «Мікраэлектроніка Расіі: ад дэфіцыту да тэхналагічнай незалежнасці» кампаніі «Якаў і партнёры». Пры гэтым 50% маюць прыпадаць на дзяржаўныя інвестыцыі, бо на пачатковых этапах развіцця галіна не будзе рэнтабельнай, мяркуюць эксперты.

Спецыялісты адзначаюць, што ўкладанні ў развіццё ўласнай вытворчасці дапамогуць забяспечыць прамысловы суверэнітэт у гэтай галіне. Інвестыцыі ўключаюць укладанні ў капітальныя выдаткі, удасканаленне існых вытворчых пляцовак і стварэнне новых ліній вытворчасці.

На думку аналітыкаў, Расіі неабходна распрацоўваць не толькі базавыя, але і сучасныя чыпы. Гэта запатрабуе дадатковых інвестыцый у памеры да 300 мільярдаў рублёў ($4,9 мільярда). Яны неабходныя для стымулявання навукова-даследчых работ, фінансавання навуковай дзейнасці ў галіне распрацоўкі праграмнага забеспячэння і дызайнерскіх цэнтраў для развіцця ўласнай мікраэлектронікі.

Паводле ацэнак экспертаў, цяпер у краіне назіраецца больш як трохразовы разрыў паміж попытам з боку прамысловасці і фактычным аб’ёмам вытворчасці. Расіі не хапае вытворчых магутнасцей для стварэння мікрачыпаў нават базавага ўзроўню. Попыт на базавыя мікрачыпы ў прамысловасці складае 30 тысяч пласцін штомесяц. Цяпер патэнцыйная вытворчая магутнасць у Расіі складае 26 тысяч пласцін на месяц. Фактычна вырабляецца каля 8 тысяч пласцін.