Пры канцы 2023 года брытанскі гурт The Beatles выпусціў песню Now and Then. Яна была створаная са старога дэмазапісу Джона Ленана, які апрацавалі з дапамогай тэхналогіі машыннага навучання. Днямі песня прынесла легендарнаму брытанскаму калектыву восьмую ў яго гісторыі прэмію «Грэмі», піша The Verge.
Пры канцы 2023 года брытанскі гурт The Beatles выпусціў песню Now and Then. Яна была створаная са старога дэмазапісу Джона Ленана, які апрацавалі з дапамогай тэхналогіі машыннага навучання. Днямі песня прынесла легендарнаму брытанскаму калектыву восьмую ў яго гісторыі прэмію «Грэмі», піша The Verge.
Прэмія за найлепшае рок-выкананне была прысуджаная ў мінулую нядзелю. Сярод намінантаў прысутнічалі Green Day, Pearl Jam, The Black Keys, Idles і St. Vincent. Billboard адзначае, што гэта першая песня, у стварэнні якой паўдзельнічаў АІ, што прынесла сваім аўтарам «Грэмі».
Трэк зроблены на аснове дэмазапісу Ленана 1979 года. У сярэдзіне 90-х Пол Макартні, Рынга Стар і Джордж Харысан змаглі завяршыць працу над некаторымі чарнавікамі Ленана, але з Now and Then узніклі праблемы. Фартэпіянная партыя перашкаджала аддзяліць вакал, а патрэбных тэхналогій у музыкаў на той час не было.
Песню ўдалося завяршыць некалькі гадоў таму, калі рэжысёр Пітэр Джэксан працаваў над дакументальным фільмам Get Back для Disney Plus. Ягоная каманда стварыла тэхналогію на базе машыннага навучання, якая дазваляе раскласці кампаненты любога музычнага фрагмента на асобныя дарожкі — нават старажытныя дэмазапісы. Гаворачы пра ролю АІ у праекце ў 2023 годзе, Макартні падкрэсліваў, што ў песні няма нічога згенераванага сінтэтычна — тэхналогія ўжывалася для ачысткі сапраўднага запісу, і ў астатнім песня цалкам сыграная музыкамі.
Рэлацыраваліся? Цяпер вы можаце каментаваць без верыфікацыі акаўнта.