Заснавальнік Amazon Джэф Безас заявіў на канферэнцыі VivaTech у Парыжы, што адзіны спосаб забяспечыць эканамічны рост і захаваць планету прыдатнай для жыцця — гэта вынесці цяжкую прамысловасць за яе межы. І для гэтага ідэальна падыходзіць Месяц.
Заснавальнік Amazon Джэф Безас заявіў на канферэнцыі VivaTech у Парыжы, што адзіны спосаб забяспечыць эканамічны рост і захаваць планету прыдатнай для жыцця — гэта вынесці цяжкую прамысловасць за яе межы. І для гэтага ідэальна падыходзіць Месяц.
«Гэта нейкі падарунак. Месяц знаходзіцца так блізка да Зямлі. Туды можна дабрацца за 3,5 дні і вярнуцца назад за столькі ж. Туды можна адправіцца калі заўгодна, не трэба чакаць правільнага размяшчэння планетаў», — адзначыў Безас. Ён дадаў, што ў адрозненне ад Месяца падарожжа на Марс праз планетарныя арбіты магчыма толькі раз на два гады.
Безас лічыць, што нашу планету можна вярнуць да яе стану да прамысловай рэвалюцыі. «Гэта адзіны аспект, у якім свет сёння горшы, чым ён быў 500 гадоў таму… Мы сапраўды можам атрымаць і тое, і іншае», — працягнуў ён, падкрэсліўшы, што якасць жыцця палепшылася для ўсяго чалавецтва, аднак планета ў выніку пацярпела.
У гэтым святле, на ягонае меркаванне, Месяц павінен мець прыярытэт перад Марсам. «Калі вы прапускаеце крокі, гэта насамрэч не робіць вас хутчэйшымі», — сказаў Безас, намякнуўшы на Ілана Маска, які імкнецца каланізаваць «чырвоную планету».
Акрамя таго, гравітацыя Месяца значна ніжэйшая за зямную. Гэта дазваляе запускаць і падымаць матэрыялы з яго паверхні, затрачваючы ў 28 разоў менш энергіі на кілаграм, чым пры старце з Зямлі, адзначыў Безас. Гэта робіць Месяц не проста пунктам прызначэння, але і патэнцыйнай базай для больш глыбокіх касмічных місій.
Ён таксама рэзка выказаўся наконт праграмы «Апалон»: першапачатковыя высадкі на Месяц фарсіраваліся геапалітыкай і гонкай з СССР, яны былі дасягнуты за кошт выдаткаў да 4,5% федэральнага бюджэту ЗША і ў выніку аказаліся нежыццяздольнымі.
Тое, што спрабуе зрабіць Blue Origin цяпер, паводле ягонага меркавання, кардынальна адрозніваецца — гэта не спрынт, падганяемы суперніцтвам, а пастаяннае пасяленне, прадыктаванае неабходнасцю: «Сама ідэя таго, што мы ўжо бывалі на Месяцы — тут важная менавіта незваротнасць гэтага працэсу, тое, каб застацца там. Цяпер самы слушны час. Каб сапраўды сур’ёзна ўзяцца за гэта і прыйсці, каб застацца».
«Мы пабудуем калоніі на Марсе і так далей. Месяц — гэта важны першы крок», — сказаў ён.
Безас скончыў на аптымістычнай ноце. Багацце цывілізацыі, на ягонае меркаванне, заўсёды прасоўвалі вынаходніцтвы — ад плуга 6 тысяч гадоў таму да парвога рухавіка, і цяперашні момант з’яўляецца самым багатым на мэты ў гісторыі чалавецтва. «Сённяшняя моладзь павінна быць так натхнёная. Ніколі яшчэ не было лепшага часу для таго, каб быць прадпрымальнікам», — адзначыў мільярдэр.
Релоцировались? Теперь вы можете комментировать без верификации аккаунта.