Заснавальнік Amazon і кіраўнік Blue Origin Джэф Безас заявіў, што на працягу бліжэйшых 10–20 гадоў гіганцкія дата-цэнтры змогуць працаваць на арбіце: яны будуць выкарыстоўваць пастаянную сонечную энергію і пераўзыходзіць па эфектыўнасці наземныя аналагі.
Заснавальнік Amazon і кіраўнік Blue Origin Джэф Безас заявіў, што на працягу бліжэйшых 10–20 гадоў гіганцкія дата-цэнтры змогуць працаваць на арбіце: яны будуць выкарыстоўваць пастаянную сонечную энергію і пераўзыходзіць па эфектыўнасці наземныя аналагі.
Выступаючы на канферэнцыі Italian Tech Week у Турыне, Безас адзначыў, што космас стане новай пляцоўкай для захоўвання і апрацоўкі дадзеных, а развіццё штучнага інтэлекту паскорыць гэты пераход. Па словах Безаса, арбітальныя дата-цэнтры забяспечаць кругласуткавы доступ да энергіі без воблакаў, дажджоў і іншых рызык надвор’я.
«Гэтыя велізарныя вылічальныя кластары будзе выгадней будаваць у космасе — у нас там ёсць сонечная энергія 24/7. Мы зможам пераўзысці па кошце наземныя дата-цэнтры на працягу пары дзесяцігоддзяў», — расказаў бізнесмен у размове са старшынёй Ferrari і Stellantis Джонам Элканам.
Ідэя пераносу вылічальных магутнасцяў за межы Зямлі набірае папулярнасць сярод тэхналагічных гігантаў на фоне росту спажывання электрычнасці і вады для ахаладжэння сервераў. Безас лічыць, што гэты трэнд упісваецца ў больш шырокую стратэгію выкарыстання космасу для паляпшэння жыцця на Зямлі.
Аднак праект сутыкнецца з сур’ёзнымі выклікамі — ад высокага кошту запускаў і складанасці абслугоўвання абсталявання да рызыкі няўдалых місій. Безас таксама правёў паралель паміж цяперашнім бумам ШІ і інтэрнэт-выбухам пачатку 2000-х, адзначыўшы, што нягледзячы на магчымыя спекулятыўныя «бурбалкі», доўгатэрміновыя наступствы ШІ будуць станоўчымі.
Рэлацыраваліся? Цяпер вы можаце каментаваць без верыфікацыі акаўнта.
Безос посмотрел "Пантеон" и преисполнился.
лучше всего на Луне, а Безоса почетно назначить лунным человеком
Интересно, как он собирается решать проблему охлаждения?..