ШІ Маска дапамог Пентагону запусціць тысячы ракет па Іране
Кіраўнік Пентагона па штучным інтэлекце Кэмерон Стэнлі пад прысягай прызнаў, што чат-бот Grok ад Ілана Маска стаў крытычна важным элементам нацыянальнай бяспекі ЗША. Паводле яго, тэхналогіі xAI актыўна выкарыстоўваюцца на працягу ўсёй вайны з Іранам. Спецыяльная ваенная мадэль Grok Gov дазволіла амерыканскім сілам выпусціць больш за 2 тысячы боепрыпасаў па 2 тысячах розных мэтаў усяго за 96 гадзін у рамках аперацыі «Эпічная ярасць», піша The Hill.
Кіраўнік Пентагона па штучным інтэлекце Кэмерон Стэнлі пад прысягай прызнаў, што чат-бот Grok ад Ілана Маска стаў крытычна важным элементам нацыянальнай бяспекі ЗША. Паводле яго, тэхналогіі xAI актыўна выкарыстоўваюцца на працягу ўсёй вайны з Іранам. Спецыяльная ваенная мадэль Grok Gov дазволіла амерыканскім сілам выпусціць больш за 2 тысячы боепрыпасаў па 2 тысячах розных мэтаў усяго за 96 гадзін у рамках аперацыі «Эпічная ярасць», піша The Hill.
Гэтую заяву Міністэрства юстыцыі ЗША выкарыстала ў судзе, каб абараніць ад закрыцця гіганцкі датацэнтр xAI Colossus 2 у Мемфісе, які праваабаронцы абвінавачваюць у забруджванні паветра. Урад патрабуе адхіліць іск, называючы датацэнтр жыццёва важным для ваенных місій — ад навядзення ракет і разведкі да лагістыкі, прагназавання паставак і медычнага забеспячэння. У Пентагоне падкрэсліваюць, што Grok Gov валодае ўнікальнымі функцыямі ваеннага планавання, якіх няма ні ў адной іншай ШІ-мадэлі ў свеце.
Ужыванне ШІ ў рэальных баявых дзеяннях ужо выклікала жорсткую крытыку сярод дэмакратаў. Сенатар Кірстэн Джылібранд унесла законапраект, які забараняе выкарыстоўваць вялікія моўныя мадэлі без кантролю чалавека пры прыняцці рашэнняў аб ужыванні сілы або затрыманнях. На ейную думку, Пентагон укараняе магутнейшыя ШІ-тэхналогіі без элементарных мер засцярогі, што можа прывесці да катастрафічных наступстваў, таму ключавыя рашэнні на вайне павінны заставацца выключна за людзьмі, а не за «безадказнымі машынамі».
Релоцировались? Теперь вы можете комментировать без верификации аккаунта.